Jazasyn ótep jatqan 15 myńnan astam adamǵa raqymshylyq jarııalandy

Foto: akorda.kz

Prezıdent qylmystyq-atqarý júıesin izgilendirý maqsatynda 15 myńnan astam sottalǵan azamatqa raqymshylyq jarııalanǵanyn málimdedi, – dep habarlaıdy qandastar.kz

Aikyn.kz jazǵandaı,   memleket basshysy bul sharany jaza basqandarǵa qoǵamǵa qaıta oralýǵa múmkindik berý dep atady.

«Qylmystyq-atqarý júıesin izgilendirý, jetildirý úshin naqty sharalar qabyldaý qajet. Osydan úsh jyl buryn elimizde jalpyulttyq referendým ótti. Azamattarymyzdyń kópshiligi Ata zańǵa túzetý engizýdi qoldap daýys berdi. Reformanyń nátıjesinde elimizdiń saıası qurylymy túbegeıli jańǵyrdy. Adam quqyqtaryn qorǵaý júıesinde aýqymdy ózgerister jasaldy. Konstıtýııalyq sot quryldy. Adam quqyqtary jónindegi ýákilge konstıtýııalyq mártebe berildi. Onyń quzyreti keńeıdi. О́lim jazasy birjola alynyp tastaldy. Munyń bári – Konstıtýııamyzǵa tán izgilik rýhynyń kórinisi. Sebebi Ata zańymyzǵa sáıkes adam jáne onyń ómiri, quqyqtary men bostandyqtary, bul – eń qymbat qazyna.

Bıyl Konstıtýııanyń qabyldanǵanyna 30 jyl tolady. Osyǵan oraı, quqyq qorǵaý qurylymdary, depýtattar men quqyq qorǵaýshylar sottalǵan azamattarǵa raqymshylyq jasaý týraly bastama kóterdi.

Parlament tıisti zańdy qarady, men bul zańǵa qol qoıdym. Osy izgi sharanyń arqasynda jazasyn ótep jatqan 15 myńnan astam adamǵa amnıstııa jarııalandy. Sonyń 2 myńnan astamy bostandyqqa shyǵady. Qalǵandarynyń jaza merzimi qysqarady. Onsha aýyr emes jáne aýyrlyǵy ortasha qylmys jasaǵandar ǵana raqymshylyqqa ilinedi. Eń aldymen, áleýmettik jaǵynan osal topqa jatatyn adamdarǵa, ıaǵnı, balasy bar áıelderge, egde adamdarǵa, kámelet jasyna tolmaǵandarǵa jáne osy sanattaǵy basqa da azamattarǵa keshirim beriledi.

Muny jaza basqan jandarǵa jasalǵan naqty kómek, olardyń qoǵamǵa qaıta oralýyna jaǵdaı jasaý dep túsiný qajet. Ál-Farabıdiń sózimen aıtsaq, bul – shyn máninde qaıyrymdy elge tán sıpat», – dedi Prezıdent.