Jańalyqtar
Jeke kýálik pen tólqujatty mobıldi qosymshalar arqyly onlaın rásimdeýge bolady
Foto: inbusiness kz
Qazaqstandyqtar jeke kýálik pen tólqujatty onlaın túrde aýystyra alady, dep habarlaıdy qandastar.kz
QR Ishki ister mınıstrligi (IIM) men ıfrlyq damý, ınnovaııalar jáne aeroǵarysh ónerkásibi mınıstrligi (DIAО́M) birlesip, memlekettik qyzmetti elektrondy túrde kórsetý boıynsha pılottyq jobany ázirledi.
Qujatqa sáıkes, jeke kýálik pen tólqujatty elektrondy úkimet portaly (eGov) jáne mobıldi qosymshalar arqyly onlaın aýystyrýǵa bolady. Bul qyzmet tek merzimi ótken qujattarǵa qoljetimdi bolmaq.
Qalaı ótinish berýge bolady?
- Qyzmetti tek qujatynyń merzimi 30 kúnnen az ýaqyt qalǵan nemese merzimi 10 kúnnen aspaı ótip ketken azamattar paıdalana alady.
- О́tinishti azamat ózi toltyrady.
- Júıege sapaly fotosýret pen qoltańbany júkteý qajet.
- О́tinish óńdelgen soń, daıyn qujatty kóshi-qon qyzmetiniń tıisti bóliminen alýǵa bolady.
Eger fotosýret nemese qoltańba sapasyz bolsa nemese qosymsha tekserý qajet bolsa, ótinish keri qaıtarylady. Mundaı jaǵdaıda azamat jańa ótinish berýi kerek jáne memlekettik baj salyǵyn qaıta tóleýge týra keledi. Al buryn tólengen soma salyq kodeksine sáıkes qaıtarylady.
Qujatty alý úshin ótinish berýshi HQKO-ǵa (ON) barýdyń qajeti joq – daıyn qujatty tıisti bólimnen alýǵa bolady.
Pılottyq joba 2026 jyldyń 31 naýryzyna deıin jalǵasady. Qazirgi ýaqytta joba «Ashyq NQA» portalynda qoǵamdyq talqylaýǵa shyǵarylǵan. Usynystar 2025 jyldyń 19 naýryzyna deıin qabyldanady.
Jobany ázirleýshilerdiń aıtýynsha, bul bastama memlekettik qyzmetterdi jetildirý, azamattarǵa yńǵaıly qyzmet kórsetý jáne proesti ońtaılandyrý maqsatynda jasalǵan.
