جاڭالىقتار
جەلىدە اقتاۋلىق قىزدىڭ ۇرلانعان ءساتىنىڭ كادرلارى تارادى
فوتو: سكرين ۆيدەو
جەلىدە اقتاۋدا ءبىر توپ ەر ادامنىڭ زورلىعىنا ۇشىراپ, وزىنە قول سالعان جاتتىقتىرۋشى قىزدىڭ ۇرلانعان ءساتى تۇسىرىلگەن ۆيدەو تارادى, دەپ حابارلايدى qandastar.kz
كادرلاردان بىرنەشە جىگىتتىڭ قىزدى كۇشتەپ كولىكتىڭ ارتقى ورىندىعىنا وتىرعىزعانىن, قىزدىڭ قارسىلىق كورسەتىپ جاتقانىن كورۋگە بولادى. وسى ساتتە كولىكتىڭ جانىنا تاعى ءبىر كولىك كەلىپ, ونىڭ جۇرگىزۋشىسى دە كۇدىكتىلەرگە كومەكتەسە باستايدى.
ەسكە سالساق, بۇعان دەيىن اقتاۋدا 5 ەر ادام قىزدى كولىككە كۇشتەپ وتىرعىزىپ, مەفەدرون بەرىپ, زورلاپ, نەسيە العىزعان. وسى وقيعادان كەيىن فيتنەس جاتتىقتىرۋشىسى بولىپ جۇمىس ىستەگەن قىز وزىنە قول سالعان.
ماڭعىستاۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى 2024 جىلدىڭ 19 جەلتوقسانىندا جابىرلەنۋشىگە قارسى جاسالعان قىلمىستار ءۇشىن باستى ايىپتالۋشىنى 20 جىلعا, ال ونىڭ ءتورت سىبايلاسىن 7 جىلدان 8,5 جىلعا دەيىن باس بوستاندىعىنان ايىرۋ تۋرالى ۇكىم شىعارعان.
پروكۋرور سوتتىڭ شەشىمىنە شاعىم ءتۇسىرىپ, باستى ايىپتالۋشىنى ءومىر بويىنا باس بوستاندىعىنان ايىرۋدى, ال قالعان قاتىسۋشىلاردى 15 جىلدان 16 جىلعا دەيىن باس بوستاندىعىنان ايىرۋدى سۇرادى.
