«جاڭا ادامدار» ۇيىمداستىرعان ميتينگ شەتەلدەگى قازاقستاندىقتاردان دا قولداۋ تاپتى

قاراشا ايىندا الماتىدا وتكەن «جاڭا ادامدار» ۇيىمداستىرعان تۇرمىستىق زورلىق-زومبىلىققا قارسى ميتينگ كوپشىلىكتەن قولداۋ تاپقانى بەلگىلى. وسىعان وراي قوزعالىس جەتەكشىسى اسەل بادەنوۆا «ارمان ابدوللا» YouTube ارناسىنا بەرگەن سۇحباتىندا اتالعان ميتينگتىڭ ماقساتىمەن ءبولىستى, دەپ حابارلايدى Qandastar اقپارات پورتالى.

سونداي-اق, اسەل بادەنوۆا ميتينگتىڭ اتاۋىنا قاتىستى ءوز تۇسىندىرمەسىن ايتتى.
«بۇل جەردە «حايۋاناتتار الەمىنە جوق دە» دەگەندە ءبىز ادامداردى حايۋاناتتارعا قارسى شىعۋعا نەمەسە ولارعا قاتىگەزدىك كورسەتۋگە شاقىرمايمىز. ءبىز حايۋاناتتار الەمىندە قالىپتاسقان ەرەجەگە قارسىلىق تۋرالى ايتامىز. ولاردىڭ الەمىندە «كۇشتىنىكى ۇنەمى دۇرىس» دەگەن قاعيدا قالىپتاسقان.
حايۋاناتتاردىڭ ادامداردان ەرەكشەلىگى نەدە? حايۋاناتتار قانداي دا ءبىر جاعدايعا كوڭىلى تولماسا نەمەسە كەلىسپەسە ولار جوق دەپ ايتا المايدى. ولار بىردەن اگرەسسيا كورسەتەدى. ءوز شەكاراسىن اگرەسسيا كورسەتۋ ارقىلى قورعايدى.

ال, ادامنىڭ حايۋاننان ەرەكشەلىگى, ادام ءوز سەزىمدەرىن باسقارا الادى. بۇل نەنى بىلدىرەدى?
ەگەر سەن كوشەگە اش شىقساڭ, ادامدارعا تاماق اكەل دەپ ءجابىر كورسەتپەيسىڭ. ياعني, ادام ءوزىن ءوزى باقىلاۋدا ۇستاپ, جاي عانا ك ۇلىپ جوق دەي الادى.

سوندىقتان دا ءبىزدىڭ اكتسيامىز «حايۋاناتتار الەمىنە جوق دە» دەپ اتالدى», دەيدى ول.
سونىمەن قاتار, اسەل بادەنوۆانىڭ ايتۋىنشا, ميتينگ قازاقستاندىقتاردان بولەك, شەتەلدەردەن دە قولداۋ تاپقان.

«ءبىز اكتسيا تۋرالى جاريالاعاننان-اق ءبىزدى وتە كوپ ادامدار قولدادى. بلوگەرلەرگە, ءبىزدىڭ اكتسيامىزدى بولىسكەن بارشا ادامدارعا كوپ راحمەت ايتامىز.

سونداي-اق, باسقا ەلدەردە تۇراتىن قازاقستاندىقتار دا ءبىزدىڭ جەكە ديرەكتىمىزگە شىعىپ, ءبىز دە ءدال سول كۇنى ءوزىمىز تۇراتىن ەلدە سىزدەردى قولداۋ ءۇشىن ميتينگكە شىعامىز دەدى», دەيدى قوزعالىس جەتەكشىسى.