«Jańa adamdar» uıymdastyrǵan mıtıng sheteldegi qazaqstandyqtardan da qoldaý tapty

Qarasha aıynda Almatyda ótken «Jańa adamdar» uıymdastyrǵan turmystyq zorlyq-zombylyqqa qarsy mıtıng kópshilikten qoldaý tapqany belgili. Osyǵan oraı qozǵalys jetekshisi Ásel Bádenova «Arman Abdolla» YouTube arnasyna bergen suhbatynda atalǵan mıtıngtiń maqsatymen bólisti, dep habarlaıdy Qandastar aqparat portaly.

Sondaı-aq, Ásel Bádenova mıtıngtiń ataýyna qatysty óz túsindirmesin aıtty.
«Bul jerde «Haıýanattar álemine JOQ de» degende biz adamdardy haıýanattarǵa qarsy shyǵýǵa nemese olarǵa qatygezdik kórsetýge shaqyrmaımyz. Biz haıýanattar áleminde qalyptasqan erejege qarsylyq týraly aıtamyz. Olardyń áleminde «Kúshtiniki únemi durys» degen qaǵıda qalyptasqan.
Haıýanattardyń adamdardan ereksheligi nede? Haıýanattar qandaı da bir jaǵdaıǵa kóńili tolmasa nemese kelispese olar joq dep aıta almaıdy. Olar birden agressııa kórsetedi. О́z shekarasyn agressııa kórsetý arqyly qorǵaıdy.

Al, adamnyń haıýannan ereksheligi, adam óz sezimderin basqara alady. Bul neni bildiredi?
Eger sen kóshege ash shyqsań, adamdarǵa tamaq ákel dep jábir kórsetpeısiń. Iaǵnı, adam ózin ózi baqylaýda ustap, jaı ǵana kúlip Joq deı alady.

Sondyqtan da bizdiń akııamyz «Haıýanattar álemine JOQ de» dep ataldy», deıdi ol.
Sonymen qatar, Ásel Bádenovanyń aıtýynsha, mıtıng qazaqstandyqtardan bólek, shetelderden de qoldaý tapqan.

«Biz akııa týraly jarııalaǵannan-aq bizdi óte kóp adamdar qoldady. Blogerlerge, bizdiń akııamyzdy bólisken barsha adamdarǵa kóp rahmet aıtamyz.

Sondaı-aq, basqa elderde turatyn qazaqstandyqtar da bizdiń jeke dırektimizge shyǵyp, biz de dál sol kúni ózimiz turatyn elde sizderdi qoldaý úshin mıtıngke shyǵamyz dedi», deıdi qozǵalys jetekshisi.