Jelidegi jazbaǵa lúpil baspaǵan qyzmetkerler qýdalanǵan: Shymkentte jastar ortalyǵynan daý shyqty

Foto: Facebook Azat Dıdarbek

Shymkent qalasy Jastar resýrstyq ortalyǵynyń basshylyǵy qyzmetkerlerge áleýmettik jelidegi jazbaǵa lúpil baspaǵany úshin eskertý jasaǵan, dep jazdy qandastar.kz

Bul týraly Stan.kz aqparat agenttigi habarlaıdy.

Aqparatty Facebook áleýmettik jelisiniń qoldanýshysy Azat Dıdarbek habarlady. Onyń málimetinshe, Jastar ortalyǵy óz qyzmetkerlerin qýdalap, lúpil baspaǵandardy qysymǵa alyp jatyr.

“Jastar ortalyǵy qalamyzdyń jastar máselesin sheshedi degenge senbeıtin edik. Endi lúpil basqan-baspaǵan qyzmetkerlerin tizip, tekserip, “eskertý” jasap, jumys isteýine kedergi keltirip jatyr eken. Osyndaı qysym kóre bergen ortalyq qyzmetkeriniń mazasy qashyp, qulap, jedel járdem shaqyrǵan. Alǵashqy medıınalyq kómekke júginýine týra kelgen”, – dep jazdy ol.

Foto: Facebook Azat Dıdarbek

Jeli qoldanýshysy ujym basshysynyń qala jastaryn birlikte ustaıtynyna kúmánim bar deıdi.

“Bulaı jalǵasa berse, arty jaqsy bolmaıtyny anyq! Jastardyń máselesimen emes, másele kótergen jastarmen aınalysatyn ortalyqtyń basshysy qyzmetin asyra paıdalanyp júr me? Qurmetti, Ǵabıt Ábdimájıtuly, jastar ortalyǵyna bir nazar aýdaryp qoısańyz ıgi”, – dep jazdy ol.

Foto: Facebook Azat Dıdarbek

Atalǵan jaǵdaıǵa qatysty Stan.kz tilshisi Shymkent qalasynyń ishki saıasat jáne jastar isteri jónindegi basqarmasynan mán-jaıdy surap bildi.

Basqarma basshysy Aıgerim Jumaǵulova jaǵdaıdy baqylaýda ustap otyrǵanyn habarlady.

«Ujymdy uıytqyda ustaı almaıtyn basshy qala jastaryn birlikte ustaıtynyna kúmánimiz bar! Alańdap, silteme jiberip otyrǵandaryńyzǵa raqmet! Biraq ári qaraı jiberýdiń qajeti joq. Jaǵdaı alǵash jarııalanǵan sátten bastap habardarmyn. О́zime jumys josparyn belgiledim. Jaǵdaı boıynsha sheshim ádil jáne obektıvti túrde qabyldanady», – dedi ol.

Skrın: Instagram Aıgerim Jumaǵulova

Aıta keteıik, buǵan deıin Shymkenttegi Turan shaǵyn aýdanynda 6 jasar bala ashyq jatqan káriz shuńqyryna qulap, ajal qushqan edi. Qazir bul iske qatysty tergeý júrgizilip jatyr.

Al úsh jyldan beri Qarataý aýdanyn basqaryp kelgen Raqymberdi Múlkemanov osy jaǵdaıǵa qatysty qyzmetinen ketti. Basqarma basshysy men osy salaǵa jetekshilik etetin qala ákiminiń orynbasary Qýanysh Asylovqa qatań sógis jarııalandy.