Jemqorlardan tárkilengen aqshaǵa salynǵan jáne jemqorlyq saldarynan sapasyz bolǵan mektepter

Memleket qarjysyn jymqyrǵan jemqorlardan aqsha tárkilenip, mektepter salýǵa jumsalýy tıis» degen bolatyn Prezıdent Qasym-Jomart Toqaev. Sońǵy kezde jemqorlardan tárkilengen aqshaǵa salynǵan mektepter týraly aıtyla bastady. Astanadaǵy sondaı mekteptiń birine Prezıdenttiń ózi de bardy. Sonymen neshe mektep salyndy, neshe mekteptiń qurylysy aıaqtaldy? Amangeldi Seıithan tarqatady.  

Amankeldi Seıthan, tilshi:

Bul jemqorlardan tárkilengen qarjyǵa salynǵan Astanadaǵy mektepterdiń biri – 96-shy gımnazııa. 4 qabatty ǵımarat syrtynan óte ádemi, kóz tartady. Al ishi qandaı ekenin kóreıik…

Munda kirseń, qaıtadan mektepte oqyǵyń keledi. Kerektiń bári bar. Feıs-aıdı júıesi, elektrondy keste, avtomattandyrylǵan kitaphana. Sońǵy úlgidegi baǵdarlamalaý zerthanasy, robototehnıka kabıneti.

Zere Kene, oqýshy:

Men Qaraǵandy oblysyndaǵy nómiri №2 mektepte oqydym. Sol jerden Astanaǵa kóship, osy gımnazııada oqyp jatyrmyn.

2400 oryndyq bilim ordasy mektep jetispeýshiligi máselesin de birshama azaıtqan.

Sáýle Temenova, №96 mektep-gımnazııa dırektory:

3-aýysymda oqyp jatqan nómiri 84 pen 85-shi mekteptiń oqýshylaryn qabyldadyq.

Mekteptiń bir baǵyty – ınklıýzıvti bilim. Búginde munda 30 erekshe bala bar.

Nazym Ábilqasymova, ınklıýzıvti bilim berý boıynsha koordınator:

Emdik dene shynyqtyrý kabıneti qurylys kompanııasymen jabdyqtalǵan. Al mynaý psıhologııa kabıneti men qoldaý qyzmetin mekteptiń ózi aqyryndap jabdyqtap jatyr.

Qabyrǵalary da ádemi bezendirilgen. Úziliste balalar dálizde shahmat oınap, shyǵarmalar oqıdy.

Albına Qalmahan, oqýshy:

Sport zaly da óte erekshe. Mektep óte erekshe salynǵan. Karate, qazaq kúresteri qarastyrylǵan. О́te kóp sport túri bar, apaılary da óte meıirimdi.

Amankeldi Seıthan, tilshi:

Mektep qaýipsizdik talaptaryna da tolyqtaı saı deýge bolady. Mysaly, Astanada byltyr osyndaı baspaldaqtan oqýshy qulap ketken bolatyn. Al bul mektepte baspaldaqtardyń barlyǵy jan-jaǵynan qorshalǵan. Biraq sol qorshaýǵa myna rakýrstan qarasańyz, temir tordy eske túsiredi. Osyndaı jaqsy, jaıly mektepter salyný úshin qansha adam temir tordyń artynda otyr eken dep te oılaısyń.

Jemqorlardan qaıtarylǵan qarjyǵa mektepter salý úshin arnaıy qor qurylǵan. Sodan beri 150 mlrd teńge jınaqtalypty.