Jerge ketken mıllıondar – Arysqa jaqyn alqapta qarbyz shashylyp jatyr

Foto: Vıdeo kadry

Belgili shyǵystanýshy, «Otbasy hrestomatııasy» jobasynyń avtory Sanjar Kerimbaı óziniń týǵan aýylynyń kireberisindegi alqapta qarbyzdyń esh kádege jaramaı, tekke shashylyp jatqanyna qynjylys bildirip, sharýalardy osyndaı kúıge jetkizgen jergilikti bılikti kinálady, dep habarlaıdy qandastar.kz Ulysmedia.kz silteme jasap habarlaıdy. 

S.Kerimbaı vıdeoda aıtqandaı aýyly Túrkistan oblysynda, Arys pen Sháýildirge barar úlken joldyń boıynda ornalasqan.

Aýyldy jaǵalaı jatqan atshaptyrym alqapta alyp qarbyzdardyń jınalmaı, túkke jaramsyz rásýa bolyp jatqany kórinedi.

“Myna jatqan – bul jaqtyń tilimen aıtqanda darbyz, kitaptyń tilimen aıtsaq – qarbyz. Bul qarbyzdyń bári naryqtyń rettelmeýine baılanysty satylmaı qalyp, tıynǵa ǵana baǵalanyp qalǵan. Sóıtip dıqandar bankrotqa ushyrady. Amalsyzdan tastap ketken, ony ne mal jemeıdi, ne adam kerek qylyp jatqan joq”, degen vıdeo avtory muny jerge tekke shashylǵan mıllıondarǵa baǵalady.

Aıtýynsha, ushy-qıyry kórinbeıtin alqap Arysqa deıin sozylyp jatqan kórinedi.

Dese de bul alqaptyń nelikten jınalmaı qalǵany belgisiz. Vıdeo avtory da ony ashyp aıtpady.

“Kim biledi, bálkim Reseı-Ýkraına soǵysy áser etti me eken? Anyǵyn bir Alla biledi. Biraq endi dıqandarǵa obal bolǵany anyq. Eshqandaı mehanızm muny retteı almaǵan,” – deıdi S.Kerimbaı.