جەتىسۋدا وقۋشىلار اراسىنداعى جانجال اتىسقا ۇلاسقان

فوتو: اشىق دەرەككوز

جەتىسۋ وبلىسى كولباي اۋىلىندا وقۋشىلار اراسىندا جانجال بولعان, دەپ حابارلايدى qandastar.kz

قاراشا ايىندا 2009 جانە 2010 جىلى تۋعان ءۇش مەكتەپ وقۋشىسى كولباي اۋىلىندا قىرعاۋىل اتۋعا شىققان. وبلىستىق ءبىلىم باسقارماسىنىڭ رەسمي اقپاراتىنا سايكەس, بالالاردىڭ بىرەۋى وزىمەن قاتار وقۋشىعا بايقاۋسىزدان اياعىنا وق اتىپ جىبەرگەن.

وبلىستىق ءبىلىم باسقارماسىنىڭ رەسمي اقپاراتىنا سايكەس, بالالاردىڭ بىرەۋى وزىمەن قاتار وقۋشىعا بايقاۋسىزدان اياعىنا وق اتىپ جىبەرگەن.

«جاراقات العان بالا جەدەل جاردەم كولىگىمەن قابانباي اۋىلىنداعى اۋرۋحاناعا جەتكىزىلىپ, وتا جاسالعان (دياگنوز: اشىق جىلىنشىكتىڭ وق جاراقاتى). قازىرگى ۋاقىتتا ول تالدىقورعان قالاسىنداعى وبلىستىق اۋرۋحانانىڭ جان ساقتاۋ بولىمىندە, جاعدايى تۇراقتى. وقۋشىلار اۋداندىق پوليتسيا, مەكتەپىشىلىك پروفيلاكتيكالىق ەسەپتە تىركەلمەگەن. الاكول اۋدانىنىڭ پوليتسيا ءبولىمى تاراپىنان تەرگەۋ جۇمىستارى جۇرگىزىلۋدە» – دەلىنگەن حابارلامادا.

وق اتىلعان قارۋ وقۋشىلاردىڭ ءبىرىنىڭ اكەسىنە تيەسىلى ەكەنى بەلگىلى. بالالاردىڭ ونى قولدانۋعا ارنايى ليتسەنزياسى بولماعان.