جەزقازعاندا 5 جىل بويى «قۇلدىقتا» بولعان بالالار قۇتقارىلدى

مالىمەت بويىنشا ۇلىتاۋ وبلىسى اكىمى بەرىك ابدىعالي ۇلى, پروكۋراتۋرا, ءىىم-مەن اتالمىش ءىستىڭ ءمان-جايى مەن قاجەتتى شارالاردى زەردەلەگەن.
اقپاننىڭ باسىندا وبلىستىق پروكۋراتۋرا مەن قامقورشىلىقتىڭ ءموبيلدى توپتارىنىڭ تەكسەرىسى ناتيجەسىندە ءبىر وتباسىنان شىققان ءۇش بالا – 1 قىز جانە 2 ۇل بارى انىقتالدى. پاتروناتتىق تاربيەگە العان وتباسى ولاردى بالالار ۇيىنەن 2018 جىلى العان. ول كەزدە بالالار 14, 12 جانە 8 جاستا بولعان. بالالاردىڭ ۇلكەنىن قالاعا 20 كم قاشىقتىقتاعى ءوز فەرماسىندا ەركىنەن تىس ۇستاپ, مال باعۋعا ماجبۇرلەگەن. فەرمادا ەكى تابىن جىلقى مەن 18 سيىر بار», – دەپ جازدى بالا قۇقىقتارى جونىندەگى ۋاكىل.
فەرماعا ارنايى بارعان كوميسسيا مۇشەلەرى بالالاردىڭ قانداي جاعدايدا ءومىر ءسۇرىپ جاتقانىن كوزدەرىمەن كورىپ, جاعالارىن ۇستاعان. دەنەلەرىندە ساۋ تامتىق جوق, كوگەرگەن, تىرتىققا تولى ەكەنىن اڭعارعان. بالالار جۇدەۋ, شارشاڭقى, اش, كىر-قوجالاق, كيىمدەرى جىرتىق بولعان. بالالاردى قامقورلىعىنا العان اتا-انا ولاردى قورلاپ, ۇرىپ, ازاپتاپ, قۇلداي جۇمساعانى بەلگىلى بولدى. سوراقىسى قامقورشى 5 جىل بويى بالالارعا جاردەماقى الىپ كەلگەن.

«بالالاردىڭ ۇلكەنى – قىز, كوللەدجدى تامامداعان, الايدا ءىس جۇزىندە ساباققا مۇلدە بارماعان. ورتانشى ۇل كوللەدجدە «وقيدى». قۇقىق قورعاۋ ورگانى ءبىلىم مەكەمەسىن تەكسەرسە, اتا-اناسى تاراپىنان ۇنەمى بالالاردىڭ اۋىرعانى تۋرالى انىقتامالار ۇسىنىپ وتىرعان ەكەن. قامقورشى قىزدى جۇمىس ىستەمەسەڭ, نە شاعىمدانساڭ, باۋىرلارىڭدى كورمەيسىڭ دەپ قورقىتقان», – دەلىنگەن جازبادا.