Jitiqarada 5 balasynan aıyrylǵan otbasyǵa páter berildi

Foto: ashyq derekkóz

Qostanaı oblysy Jitiqara qalasynda úıi órtenip, bes balasynan aıyrylǵan otbasyǵa páter berildi, dep habarlaıdy Qandastar.kz.

Oblys ákimdiginiń málimetinshe, Jitiqaradaǵy jeke úıdegi órtte bes kishkentaı balasynan aıyrylǵan otbasyǵa qajetti psıhologııalyq, quqyqtyq jáne materıaldyq kómek kórsetilgen.

«Jerleý rásimi uıymdastyrylyp, jergilikti bıýdjetten 100 AEK kóleminde birjolǵy áleýmettik kómek berildi, bilim berý bóliminiń qory esebinen 100 AEK kóleminde tólem berý josparlanýda. Qaladaǵy eki iri kásiporynyń bastamasymen otbasyǵa eki bólmeli páter satyp alyndy», – delingen ákimdik habarlamasynda.