Joǵalǵan zatty taýyp alǵan qazaqstandyqtar jaza arqalaýy múmkin

Foto: Freepik.com

Elimizde joǵalǵan zatty taýyp alǵan adam aıyppul arqalaýy múmkin. Olar endi kúdikti retinde urlyq babymen jaýapqa tartylý qaýpi bar. Sondyqtan mamandar kóshede jatqan bótenniń zatyn almaýǵa keńes beredi. Al ıesin tabýǵa kómektesetin nıet bolsa, dálel-dáıek jınaý mańyzdy deıdi. Bul týraly qandastar.kz Informbıýro jańalyqtar baǵdarlamasyna silteme jasap habarlaıdy.

Kóshede nemese qoǵamdyq orynda aqsha, ámııan, uıaly telefon taýyp alǵan jaǵdaıda ony qaı jerden, qalaı tapqanyn vıdeoǵa túsirip alý kerek. Sodan keıin polıııaǵa habarlasyp, tártip saqshylarynyń kelgenin kútý kerek.

Joǵalǵan aqshany tapqan adamǵa «urlyq» babymen is qozǵalýy múmkin. Zańgerler mundaı jaǵdaılar kezdeskenin aıtady. Mamandar smartfon taýyp alǵan jaǵdaıda ıesi tabylǵansha ózińizde saqtaı alasyz dep otyr. Biraq telefondy qosýǵa bolmaıdy. О́ıtkeni onyń ishinde adamnyń foto-sýretteri, bank qosymshalary men jeke málimetteri saqtalady. Ol azamattyń jeke ómirine qol suǵý bolyp sanalady.

“Kóshede nemese qandaı da bir mekemede zat, múlik taýyp alsa, mindetti túrde jergilikti atqarýshy organdarǵa, polıııa qyzmetkerlerine habarlaýǵa mindetti. Ol zatty ózińiz paıdalanyp ketseńiz, polıııa qyzmetkerleri sizden ony tapqan jaǵdaıda aıyp taǵýy múmkin. Ýaqytynda habarlamaǵanyńyz úshin kúdiktige aınalasyz. Sizge saqtaýǵa berse, qolhatpen tapsyrylady. Sonymen qatar, saqtaý shyǵyndaryn da talap ete alasyz”, – dedi zańger Nurbolat Ibraev.

Eger taýyp alǵan zattyń ıesi anyqtalsa,  ol adamnan syıaqy suraýǵa quqyńyz bar eken. Zat qunynyń 30%-yn qarajat túrinde ala alasyz. Azamattyq kodekske sáıkes polıııa joǵalǵan zattyń ıesin jarty jyl izdeıdi. 6 aıdan keıin tabylmasa, taýyp alǵan adam menshik quqyǵyna ıe bolady. Iaǵnı atalǵan zatty ózine qaldyra alady.