Joǵarǵy sot Nazarbaevty sotqa bergen azamattyń aryzyn qaraýdan bas tartty

Foto: ashyq derekkóz

Joǵarǵy sot Astana turǵyny Qaıyrgeldi Smaǵulovtyń eks-prezıdent Nursultan Nazarbaevqa qarsy “múlkin memleket paıdasyna óndirý” týraly aryzyn qaraýdan bas tartty. Bul týraly Stan.kz aqparat agenttigi habarlaıdy.

Aryzdanýshy óz shaǵymynda jaýapkerdi memleket basshysy laýazymyn atqara otyryp, «is-áreketteri arqyly búkil adamzattyń ómirine qaýip tóndirdi» dep aıyptaǵan. Buǵan deıin mamyr-maýsym aılarynda birinshi jáne ekinshi ınstanııa sottary da azamattyń aryzyn qanaǵattandyrmaǵan.

«Aryzda talapker sottar is júrgizý zańnamasyn buzdy degen negizde sot aktilerin qaıta qaraýdy suraıdy. О́tinishtiń dálelderin zerdeleı kele, sýdıa sot aktilerin qaıta qaraýǵa negiz joq dep esepteıdi», – delingen joǵarǵy sottyń azamattyq ister jónindegi sot alqasynyń qaýlysynda.

Buǵan deıingi sottar sheshimderinde «Qazaqstan Respýblıkasynyń Prezıdenti týraly» zańǵa silteme jasap, oǵan sáıkes Nazarbaevty prezıdent retindegi ókilettikterin oryndaýǵa baılanysty áreketteri úshin jazalaýǵa bolmaıdy.

Eske salsaq, buǵan deıin eks-prezıdent Nazarbaevtyń Ulttyq ǵylym akademııasynyń músheliginen alynyp tastalǵany týraly jazǵan edik.