«جولاۋشىلار دۇعا وقىپ, بورتتا دۇربەلەڭ باستالدى»: الماتى–اقتاۋ رەيسىندە توتەنشە جاعداي ورىن الدى

فوتو: facebook.com/airastana

Air Astana اۋە كومپانياسىنىڭ ۇشاعىندا اۋەدە تەحنيكالىق اقاۋ تىركەلدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

الەۋمەتتىك جەلىدە ۇشاق بورتىنداعى جاعداي تۋرالى ۆيدەو تاراعان بولاتىن. جولاۋشىلاردىڭ ايتۋىنشا, ۇشاق اۋەگە كوتەرىلگەن كەزدە بورتتان بوگدە ءبۇر ءتۇرلى شۋىل شىققان. ال 30-40 مينۋتتان كەيىن ۇشاق تومەندەگەن.

رەيس كەزىندە بولعان وقيعا جولاۋشىلاردى قاتتى قورقىتىپ, بورتتا ۇرەي تۋعىزعان.

«ادامدار دۇعا وقىپ, ايەلدەر جىلادى, ستيۋاردەسسالاردىڭ دا جۇزدەرىنەن قورقىنىش بايقالدى. ءبىر ساتتە بورتتان «دالاعا شۇعىل قونۋعا تۋرا كەلەدى» دەگەن حابار تارادى. ستيۋاردەسسانىڭ داۋسى دىرىلدەپ, ۇرەيگە تولى بولدى», – دەيدى جولاۋشىلاردىڭ ءبىرى.

ۇشاقتىڭ تومەندەۋى شامامەن 10–15 مينۋتقا سوزىلعان. ء«بىر كەزدە سالوندا دۇربەلەڭ باستالدى – ادامدار ورىندارىنان تۇرىپ, ستيۋاردەسسالار جول بويىمەن جۇگىرىپ ءجۇردى», – دەلىنگەن جازبادا.

Air Astana اۋە كومپانياسىنىڭ ءباسپاسوز قىزمەتى الماتىدان اقتاۋعا شىققان ۇشاق شۇعىل قونۋعا ءماجبۇر بولعانىن راستادى.

“31 تامىزدا الماتى-اقتاۋ باعىتىنا شىققان كس 859 رەيسىنىڭ ەكيپاجى اقتاۋعا جەتە بەرە, تەحنيكالىق اقاۋ تۋرالى حابار بەرىپ, نۇسقاۋلىققا ساي ءبىرىنشى بولىپ قونۋعا رۇقسات سۇرادى. وسىدان كەيىن ول قاۋىپسىز ەشەلونىنىڭ كومەگىمەن اقتاۋ اۋەجايىنا امان قوندى”, — دەپ مالىمە ەتتى كومپانيانىڭ ءباسپاسوز قىزمەتى.

قازىر ۇشاقتاعى اقاۋ نەدەن شىققانى تەكسەرىلىپ جاتىر.

“اتالعان رەيستىڭ بۇكىل جولاۋشىلارى باسقا اۋە كەمەسىنە اۋىستىرىلدى”, — دەلىنگەن رەسمي مالىمەتتە.