جولاۋشىلار پويىزى رەلستەن شىعىپ كەتتى

ءشيلىباستاۋ ستانتسياسىندا №4 «استانا – الماتى-2» جولاۋشىلار پويىزى رەلستەن شىعىپ كەتتى, دەپ حابارلايدى qandastar.kz.

«قازاقستان تەمىر جولى» كومپانياسىنىڭ مالىمەتىنشە, قۇربان بولعاندار مەن زارداپ شەككەندەر جوق.

وتار-الماتى ۋچاسكەسىندە تۋىنداعان تەحنيكالىق سەبەپتەرگە بايلانىستى №4 «استانا-الماتى-2» پويىزىنىڭ قوزعالىسى توقتاتىلدى.

وسى جاعدايعا بايلانىستى, №4 «استانا-الماتى-2» پويىزىنىڭ جولاۋشىلارى باسقا پويىزعا كوشىرىلگەن.

«جولاۋشىلاردى ستاندارتتى ۆاگونداردان قۇرالعان №504/503 «الماتى-2-وتار-الماتى-2″ ءبىر رەتتىك پويىزى تاسىمالدايدى. وسى پويىزدىڭ جولاۋشىلارىنا باگاجدى جانە جۇكتەردى تاسىمالداۋ ەرەجەلەرىنە سايكەس ايىرما تولەنەدى», – دەلىنگەن حابارلامادا.

كومپانيا ۋاقىتشا قولايسىزدىقتار ءۇشىن جولاۋشىلاردان كەشىرىم سۇرايدى. جولاۋشىلار پويىزدارىنىڭ قوزعالىس كەستەسى بويىنشا اقپاراتتى «1433» ءنومىرى ارقىلى الۋعا بولادى.