جولاۋشىلاردىڭ قۇقىعىن بۇزعان: Fly Arystan جانە SCAT اۋە كومپانيالارىنا ايىپپۇل سالىندى

فوتو: Stan.kz

قازاقستاندىق Fly Arystan جانە SCAT اۋە كومپانيالارىنا جولاۋشىلاردىڭ قۇقىعىن بۇزعانى ءۇشىن ايىپپۇل سالىندى. بۇل تۋرالى Stan.kz اقپارات اگەنتتىگى حابارلايدى.

بۇل تۋرالى كولىك مينيسترلىگى مالىمدەدى.

«ازاماتتىق اۆياتسيا كوميتەتى رەيستەردىڭ كەشىگۋى كەزىندە قىزمەتتەردى ءتيىستى تۇردە كورسەتۋگە قاتىستى زاڭنامانىڭ تالاپتارىن بۇزعانى ءۇشىن وتاندىق جانە شەتەلدىك اۆياكومپانيالاردى جاۋاپكەرشىلىككە تارتۋ بويىنشا جۇمىستى جالعاستىرۋدا», – دەلىنگەن مينيسترلىك حابارلاماسىندا.

جازدا رەيستەر سانىنىڭ ارتۋىنا بايلانىستى جولاۋشىلاردىڭ رەيستىڭ كەشىگۋى نەمەسە كەشىگۋ كەزىندە قىزمەت كورسەتپەۋ تۋرالى شاعىمدارى جيىلەي تۇسكەن.

«Fly Arystan» اۋە كومپانياسىنىڭ 11 شىلدەدەگى الماتى-قاراعاندى ​​رەيسى كەشىكتىرىلگەن, الايدا جولاۋشىلار قوناقۇيگە ورنالاستىرىلماعان, جولاۋشىلار ءۇشىن قوناقۇيگە ترانسفەر جاسالماعان. كومپانياعا 1 000 اەك (3 692 000 تەڭگە) كولەمىندە ايىپپۇل سالىندى.

24 ماۋسىمدا اتىراۋ-الماتى باعىتىنداعى رەيستىڭ كەشىگۋى كەزىندە قىزمەت كورسەتپەگەنى ءۇشىن SCAT كومپانياسىنا دا 1 000 اەك (3 692 000) كولەمىندە ايىپپۇل سالىنعان.

ەسكە سالساق, بۇعان دەيىن ءانشى سەرىك يبراگيموۆتىڭ Scat اۋە كومپانياسىن سوتقا بەرەتىنىن ايتقانى تۋرالى جازعان ەدىك.