Jolaýshylardyń quqyǵyn buzǵan: Fly Arystan jáne SCAT áýe kompanııalaryna aıyppul salyndy

Foto: Stan.kz

Qazaqstandyq Fly Arystan jáne SCAT áýe kompanııalaryna jolaýshylardyń quqyǵyn buzǵany úshin aıyppul salyndy. Bul týraly Stan.kz aqparat agenttigi habarlaıdy.

Bul týraly kólik mınıstrligi málimdedi.

«Azamattyq avıaııa komıteti reısterdiń keshigýi kezinde qyzmetterdi tıisti túrde kórsetýge qatysty zańnamanyń talaptaryn buzǵany úshin otandyq jáne sheteldik avıakompanııalardy jaýapkershilikke tartý boıynsha jumysty jalǵastyrýda», – delingen mınıstrlik habarlamasynda.

Jazda reıster sanynyń artýyna baılanysty jolaýshylardyń reıstiń keshigýi nemese keshigý kezinde qyzmet kórsetpeý týraly shaǵymdary jıileı túsken.

«Fly Arystan» áýe kompanııasynyń 11 shildedegi Almaty-Qaraǵandy ​​reısi keshiktirilgen, alaıda jolaýshylar qonaqúıge ornalastyrylmaǵan, jolaýshylar úshin qonaqúıge transfer jasalmaǵan. Kompanııaǵa 1 000 AEK (3 692 000 teńge) kóleminde aıyppul salyndy.

24 maýsymda Atyraý-Almaty baǵytyndaǵy reıstiń keshigýi kezinde qyzmet kórsetpegeni úshin SCAT kompanııasyna da 1 000 AEK (3 692 000) kóleminde aıyppul salynǵan.

Eske salsaq, buǵan deıin ánshi Serik Ibragımovtiń Scat áýe kompanııasyn sotqa beretinin aıtqany týraly jazǵan edik.