جولداسىنىڭ ءينتيمدى سۋرەتتەرىن تاراتقان ايەلى سوتتالدى

فوتو: اشىق دەرەككوز

سوڭعى جىلدارى جەكە ومىرگە قاتىستى ماتەريالداردى, فوتوسۋرەتتەر مەن بەينەلەردى يەلەرىنىڭ كەلىسىمىنسىز تاراتۋ ماسەلەسى جەكە اقپارات پەن ادام قۇقىقتارىن قورعاۋ سالاسىنداعى ەڭ وزەكتى ماسەلەلەردىڭ بىرىنە اينالدى, دەپ حابارلادى Qandastar.kz.

باس پروكۋراتۋرانىڭ حابارلاۋىنشا, ءاربىر تۇرعىن جولداسىنا نەمەسە تانىستارىنا جەكە ومىرىنە قاتىستى فوتوسۋرەتتەردى جىبەرگەنى ءۇشىن باس بوستاندىعىنان ايىرۋ تۇرىندەگى جازاعا تارتىلاتىن جاعدايعا تاپ بولۋى مۇمكىن ەكەنىن ايتىپ ءوتتى.

ماسەلەن, ايەلى قىزعانىشتان كۇيەۋىنىڭ ينتيمدىك سۋرەتىن «WhatsApp» ءموبيلدى مەسسەندجەرى ارقىلى تاراتقان.

ورال پروكۋراتۋراسىنىڭ مەملەكەتتىك ايىپتاۋشىسىنىڭ تاباندى ۇستانىمىن ەسكەرە وتىرىپ, سوتتالۋشىنىڭ كىناسى تولىق دالەلدەندى, ورال قالالىق سوتىنىڭ ۇكىمىمەن ول 3 جىلعا باس بوستاندىعىنان ايىرىلدى

سول سياقتى, ەر ازامات ايەلىنىڭ جەكە سۋرەتىن تاراتقانى ءۇشىن 3 جىلعا باس بوستاندىعىنان ايىرىلدى.

ۇكىمدەر زاڭدى كۇشىنە ەندى.

ماسەلەنىڭ وزەكتىلىگىن ەسكەرە وتىرىپ, باتىس قازاقستان وبلىسىنىڭ پروكۋراتۋراسى بارلىق ازاماتتار مەن زاڭدى تۇلعالاردى زاڭدى ساقتاۋعا جانە باسقا ادامداردىڭ قۇقىقتارى مەن قادىر-قاسيەتىن قۇرمەتتەۋگە شاقىرادى.

جەكە ومىرگە قول سۇعىلماۋشىلىق ماتەريالدارىن كەلىسىمسىز تاراتۋ اۋىر مورالدىق زيان كەلتىرىپ قانا قويماي, 6 جىلعا دەيىن باس بوستاندىعىنان ايىرۋعا قىلمىستىق جاۋاپكەرشىلىككە اكەلۋى مۇمكىن.

سونىمەن قاتار, ءبىز تسيفرلىق قاۋىپسىزدىكتىڭ ماڭىزدىلىعىن ەسكە سالامىز: ينتەرنەتتە قانداي ماتەريالدارمەن جانە كىممەن بولىسەتىنىڭىزگە مۇقيات بولۋ كەرەك.