Jolseriktiń jónsizdigi: Jańa adamdardyń belsendisi poıyzda alymsaqtyqqa tap bolǵan

Foto: Jańa adamdar

Jýyrda №076HA (Qyzylorda–Petropavl) poıyzynda alymsaqtyqqa ushyraǵan qyzdyń oqıǵasy BAQ-ta jappaı jarııalanǵan bolatyn. Poıyz jolserigi qyzdyń aıaǵynan ustap, qolynan tartyp, vagonnan vagonǵa deıin  sońynan ańdyǵan, tipti «uıyqtatpaıtynyn» aıtqan. Zardap shekken qyz — Jańa adamdar qozǵalysynyń belsendisi bolǵandyqtan, bul oqıǵany birden áleýmettik jelilerde áshkere etýdi uıǵarǵanyn aıtady, dep jazdy qandastar.kz

Jańa adamdardyń «Tumar» azamattyq naýqanynyń músheleri belsendimen sóılesip,  atyshýly oqıǵanyń egjeı-tegjeıin anyqtady.

«Sapar barysynda nysanaǵa ilingen jolserik – 1992 jyly týǵan Jánibek Ábdiqalyqov bolyp shyqty. Oqıǵa jarııa bolǵannan keıin ol qyzben baılanysqa shyqty, alaıda keshirim surap, kinásin moıyndaýdyń ornyna qyzdyń ony «durys túsinbegenin» aıtyp, aqtalýǵa tyrysty.

Bul oqıǵadaǵy eń qorqynyshtysy – alymsaqtyq kezinde aınalada ondaǵan adamnyń bolǵany. Qyz kómek suraǵanda nelikten eshkim kómektespedi? Nelikten jolserik ózine áli de tym senimdi? О́ıtkeni aınaladaǵylar únsiz qalýǵa ádettengen. Terezege, telefonǵa, áıteýir basqa jaqqa qarasa – máseleni kórmese bolǵany. Eshkimge aralasý tıimdi emes. Qyzdar tipti aınalasynda ondaǵan jolaýshylar bar poıyzda da ózin qaýipsiz sezine almaıtyn jaǵdaıǵa jetti.

Biz áreketsizdik tanytyp, qylmyskerlerdiń ózderin qaýipsiz sezinýine jáne qylmysty qaıta-qaıta jasaýyna jol beremiz. Únsiz qalý – zorlyqty qalypty nársege aınaldyryp, al beıjaı bolý – toıtarys alyp kórmegender úshin artyqshylyq bolyp otyr», — deıdi qozǵalys ókilderi.

Bul oraıda Jańa adamdar qylmystyq alymsaqtyqqa ushyraǵan barlyq adamdy bolǵan jaǵdaı týraly dereý polıııaǵa habar berýge shaqyrady.