«جولى بولماي ءجۇردى»: الماس كىشكەنباەۆ ەركە ەسماحانمەن قارىم-قاتىناسى تۋرالى بار شىندىقتى ايتتى

وتاندىق ەسترادا جۇلدىزى الماس كىشكەنباەۆ ەركە ەسماحانمەن قارىم-قاتىناسى تۋرالى بار شىندىقتى ايتتى,-دەپ حابارلايدى Qandastar.kz

ونەر يەسى اننا دانچەنكوعا بەرگەن سۇقباتىندا ونەرى مەن شىعارماشىلىعىنا قاتىستى بىرقاتار اڭگىمە قوزعادى.

اڭگىمە بارىسىندا الماس كىشكەنباەۆ وقۋعا تۇسكەن كەزەڭى تۋرالى باياندادى. ول ونەردەگى ەركە ەسماحانمەن ءبىر توپتا وقىعان بولىپ شىقتى. «ەركەمەن ءبىر توپتا وقىدىق. مۋزىكالىق ەمتيحانداردىڭ بارلىعىنان جوعارى ۇپاي الدىق. گۋمانيتارلىق ساباقتاردان ءسال-ءسال تومەن ۇپاي الىپ, وقۋعا تۇسپەي قالۋىمىز دا مۇمكىن ەدى. سەبەبى وقۋعا تۇسەتىندەردىڭ سانى شەكتەۋلى بولدى. مەن Superstar.kz جوباسىن جەڭىپ كەلگەننەن كەيىن ۇيات بولادى دەگەن شىعار. مەنى السا, ەركەنى دە الۋى كەرەك ەدى. وقۋعا الماسقا دا بولمايدى دەدى مە, بىلمەيمىن, ەكەۋمىزدى دە قابىلدادى. سول جىلى-اق كەيبىر ستۋدەنتتەر شىعىپ كەتتى, كەيبىرى اقىلى بولىمگە كوشتى. سودان گرانتتا وقىپ, قىزىل ديپلومعا ءبىتىرىپ شىقتىق. اسەم جاكەتاەۆا دا بار», – دەدى الماس كىشكەنباەۆ.

وسى تۇستا ءانشى ەركە ەسماحاننىڭ كاسىبيلىگىنە جوعارى باعا بەردى. «ەركەنىڭ ەمتيحاندا ورىنداعان اندەرى, داۋىسى كەرەمەت. ول – ناعىز كاسىبي ءارى داۋىسى زور, تالعامى جوعارى, مىقتى ءانشى. باستاپقىدا «ىڭكار» توبىندا ءان ايتتى. ماماندىعى سول بولعاننان كەيىن ءبىراز ىزدەندى, ءبىراز بايقاۋلارعا دا قاتىستى. جولى بولماي ءجۇردى. ءبارى ءوز ەڭبەگىنىڭ, سودان كەيىن پروديۋسەرىنىڭ ارقاسى», – دەدى الماس كىشكەنباەۆ.