«جۇمىلا كوتەرگەن جۇك جەڭىل»: «جاڭا ادامدار» تاسقىننان زارداپ شەككەندەرگە قول ۇشىن سوزدى

بيزنەس وكىلدەرى, قوعامدىق ۇيىمدار, قاراپايىم قازاقستاندىقتار بيلىككە كومەكتەسىپ, سۋ تاسقىنىنىڭ سالدارىن جويۋعا ءوز ۇلەستەرىن قوسۋدا.

تابيعات اپاتتارى قازاقستاننىڭ كوپتەگەن ايماقتارىن شارپىدى. بيىلعى سۋ تاسقىنى سوڭعى 30 جىلداعى ەڭ ءىرى دەپ سانالدى. ول 2012 جانە 2017 جىلدارداعى تابيعي اپاتتاردىڭ اۋقىمىنان اسىپ ءتۇستى. ۇلكەن سۋ تەك اۋىلدار مەن قالالاردى عانا ەمەس, تاس جولداردى دا شايىپ ءوتتى

سۋ تاسقىنى ماسەلەسى بۇكىل ەلدى ءسوزسىز بىرىكتىردى. بيزنەس وكىلدەرى, قوعامدىق ۇيىمدار, قاراپايىم قازاقستاندىقتار بيلىككە كومەكتەسىپ, سۋ تاسقىنىنىڭ سالدارىن جويۋعا ءوز ۇلەستەرىن قوسۋدا. «جاڭا ادامدار» دا زارداپ شەككەندەرگە كومەكتەسۋ جولىنداعى ورتاق ىسكە ءوز ۇلەسىن قوستى. بۇگىن ءبىز كوكشەتاۋدا تاسقىن سۋدان زارداپ شەگىپ قيىن جاعدايدا تۇرىپ جاتقان 30 وتباسىعا گۋمانيتارلىق كومەك كورسەتتىك.

سىزدەردە دە ءدال قازىر قينالىپ جاتقاندارعا كومەكتەسۋگە مۇمكىندىك بار. ادامدارعا ازىق-ت ۇلىك پەن جەكە گيگيەنا قۇرالدارىنان باسقا كورپە مەن جاستىق, جىلىتقىشتار, اياق كيىم جانە كىشكەنتاي بالالارعا ارنالعان بۇيىمدار قاجەت. جاقىن جەردەگى گۋمانيتارلىق كومەك جيناۋ پۋنكتىنە حابارلاسىڭىز جانە ءدال قازىر قيىن جاعدايعا تاپ بولعاندارعا قول ۇشىن سوزىڭىز.