«Jumyla kótergen júk jeńil»: «Jańa adamdar» tasqynnan zardap shekkenderge qol ushyn sozdy

Bıznes ókilderi, qoǵamdyq uıymdar, qarapaıym qazaqstandyqtar bılikke kómektesip, sý tasqynynyń saldaryn joıýǵa óz úlesterin qosýda.

Tabıǵat apattary Qazaqstannyń kóptegen aımaqtaryn sharpydy. Bıylǵy sý tasqyny sońǵy 30 jyldaǵy eń iri dep sanaldy. Ol 2012 jáne 2017 jyldardaǵy tabıǵı apattardyń aýqymynan asyp tústi. Úlken sý tek aýyldar men qalalardy ǵana emes, tas joldardy da shaıyp ótti

Sý tasqyny máselesi búkil eldi sózsiz biriktirdi. Bıznes ókilderi, qoǵamdyq uıymdar, qarapaıym qazaqstandyqtar bılikke kómektesip, sý tasqynynyń saldaryn joıýǵa óz úlesterin qosýda. «Jańa Adamdar» da zardap shekkenderge kómektesý jolyndaǵy ortaq iske óz úlesin qosty. Búgin biz Kókshetaýda tasqyn sýdan zardap shegip qıyn jaǵdaıda turyp jatqan 30 otbasyǵa gýmanıtarlyq kómek kórsettik.

Sizderde de dál qazir qınalyp jatqandarǵa kómektesýge múmkindik bar. Adamdarǵa azyq-túlik pen jeke gıgıena quraldarynan basqa kórpe men jastyq, jylytqyshtar, aıaq kıim jáne kishkentaı balalarǵa arnalǵan buıymdar qajet. Jaqyn jerdegi gýmanıtarlyq kómek jınaý pýnktine habarlasyńyz jáne dál qazir qıyn jaǵdaıǵa tap bolǵandarǵa qol ushyn sozyńyz.