«Jumys ýaqytyn ózi retteı alady»: Eńbek vıe-mınıstri biryńǵaı ýaqyt beldeýin alyp tastaýdyń qajeti joq ekenin aıtty

Foto: ashyq derekkóz

2 tamyzda eńbek jáne halyqty áleýmettik qorǵaý vıe-mınıstri Oljas Anafın Qazaqstannyń biryńǵaı ýaqyt beldeýine qarsy petıııany qoǵamdyq talqylaý barysynda pikir bildirdi. Bul týraly Stan.kz aqparat agenttigi habarlaıdy.

Anafın ýaqyt ózgeristerine beıimdelý úshin Eńbek kodeksinde jumys isteýge múmkindik beretin normalar bar ekenin atap ótti. Sózinshe, Eńbek kodeksiniń 63-babyna sáıkes eńbek tártibin jumys berýshiniń ózi retteıdi.

«Bul qaǵıdalar jumys, demalys ýaqytyn, eńbek tártibin qamtamasyz etý sharttaryn jáne eńbek qatynastaryn retteıdi. Eńbek kodeksiniń 71-babynyń 5-tarmaǵyna sáıkes, kúndelikti jumystyń uzaqtyǵy, demalys, aýysymnyń bastalý jáne aıaqtalý ýaqyty, sondaı-aq ýaqyt úzilisteri eńbek tártibimen jáne ujymdyq eńbek kelisimimen belgilenedi. Osylaısha, jumys berýshiler men qyzmetkerlerde jumys ýaqytyn ıkemdi retteý tetikteri bar», – dedi Anafın.

Ol qazirgi normalar qazirdiń ózinde ýaqyt beldeýlerin ózgertpeı-aq basqa ýaqytqa beıimdelýge múmkindik beretinin atap ótti.

Eske salaıyq, 1 naýryzda Qazaqstannyń barlyq aımaǵy bir ýaqyt beldeýine aýysty. Alaıda biryńǵaı ýaqyt beldeýine kóshkennen keıin qazaqstandyqtar jaryqqa kóp shyǵyndalatyn boldy. Naýryzda el turǵyndary aqpan aıymen salystyrǵanda elektr energııasyn 364 mln kVt/saǵat artyq paıdalanǵan.

Buǵan deıin biryńǵaı ýaqyt beldeýine qarsy petıııa 50 myń qol jınaǵany týraly jazǵan edik. Al mınıstrlik biryńǵaı ýaqyt beldeýine qarsy petıııany qanaǵattandyrmaı qoıdy.