«Jumysqa kirgenine 10-aq kún bolǵan»: Úrjarda qatigezdikpen óltirilgen jigit jaıly tyń derek aıtyldy

Foto: ashyq derekkóz

Marqumnyń týysynyń aıtýynsha, onyń kóz jumǵan baýyry da, ony óltirdi degen kúdikpen ustalǵan kúdikti te aýdandyq komıssarıatta jumys istegen. Onyń ústine kóz jumǵan jigittiń jumysqa kirgenine bar-joǵy 10 kún ǵana bolǵan. Aqparatty marqumnyń ápkesi rastady, dep habarlaıdy qandastar.kz Qaz365.kz-ke silteme jasap.

Eske sala keteıik, buǵan deıin redakııamyz Abaı oblysy Úrjar aýdany Úrjar aýylynda 2001 jyly týǵan azamatty aıaýsyz, 11 jerinen pyshaqtap óltirip ketkenin jazǵan edi. Oqıǵa 30 qańtarda túnde bolǵan. Beıresmı aqparatqa qaraǵanda, kúdikti aýdandyq áskerı komıssarıatta júrgizýshi bolyp jumys istegen. Oblystyq polıııa departamenti kisi óltirdi degen aıyppen bir adamnyń ustalǵanyn rastaǵan bolatyn.

Sondaı-aq ýatsap áleýmettik jelisinde de  kisi óltirdi degen jigittiń áskerı komıssarıatta júrgizýshi bolyp jumys isteıtini jóninde beıresmı aqparat tarady. Alaıda Qorǵanys mınıstrliginiń ókili Rýslan Jangýlın redakııamyzǵa bergen jaýabynda kúdiktiniń áskerı komıssarıat qyzmetkeri ekenin joqqa shyǵarǵan edi. https://qaz365.kz/incidents/6282-bauyzdap-kozine-deiin-pyshak-sug-yp-ketken-urzharda-22-zhastagy-zhigitti-oltirip-ketti/

Búgin Qaz365.kz tilshisi marqumnyń ápkesimen sóılesip, kóz jumǵan jigittiń de, kúdiktiniń de bir jumys ornynda – áskerı komıssarıatta jumys istegenin rastady.

«Onyń (kóz jumǵan jigittiń) áskerı komıssarıatta jumysqa kirgenine 10-aq kún bolyp edi. О́zi áskerı kafedrany bitirgen. Mamandyǵy tehnolog bolatyn. Áli es jınaǵan joqpyz. Olar birge jumys istegen. Birge júrgen. Men qazir eshteńe dep aıta almaımyn. Qazir esimizdi endi jıyp jatyrmyz», – deıdi marqumnyń ápkesi Sholpan.

Qorǵanys mınıstrliginiń resmı ókili Rýslan Jangýlınnen týystarynyń sózine qaramastan, ne sebepti ekeýiniń de áskerı komıssarıatta istegenin jasyrǵanyn suraǵanbyz. Ol resmı hat joldaýdy surap, qysqa qaıyrdy.

Qaz365.kz bul oqıǵanyń mán-jaıyn, jaı-japsaryn nazarynda ustaıdy.