Jumysshy mamandyqtary jylyna oraı respýblıkalyq slet ótýde

Foto: ashyq derekkóz

Щýchınsk qalasynda tehnıkalyq jáne kásiptik bilim berý uıymdarynyń stýdentteri arasynda Respýblıkalyq slet óz jumysyn bastady. Elimizdiń barlyq óńirinen kelgen 100-den astam belsendi jastar jumysshy mamandyqtarynyń bolashaǵyn talqylap, sheberlikterin shyńdap, jańa serpin men shabyt alýǵa jınaldy, dep jazdy qandastar.kz

Onyń ashylýyna QR Premer-mınıstriniń orynbasary Ermek Kósherbaev, oqý-aǵartý mınıstri Ǵanı Beısembaev, Aqmola oblysynyń ákimi Marat Ahmetjanov, QR Parlamenti Májilisiniń depýtattary qatysty.

Premer-Mınıstrdiń orynbasary Ermek Kósherbaev slet qatysýshylaryn quttyqtap, jumysshy mamandyqtarynyń el damýyndaǵy mańyzdy rólin atap ótti:

– Memleket basshysy 2025 jyldy Jumysshy mamandyqtary jyly dep jarııalady. Munda másele tek bir salanyń mamandaryn daıarlaý týraly ǵana emes, jalpy eńbekke degen kózqarasty qaıta qaraý týraly bolyp otyr. Uzaq ýaqyt boıy jumysshy kásipterine qatysty qoǵamda stereotıpter qalyptasyp keldi. Búginde jaǵdaı ózgerdi. Qazirgi jumysshy – jańa tehnologııalardy meńgergen, eńbek naryǵynda suranysqa ıe bilikti maman.

Memleket retinde biz eńbekti qadirleý dástúrin qaıta jańǵyrtyp, jumysshy eńbegine laıyqty qurmet qaıtarý úshin bar kúshimizdi salyp jatyrmyz. О́ıtkeni ındýstrııalyq damý, óndiristi jańǵyrtý, ekonomıkalyq turaqtylyq – bári eń aldymen sizderdiń eńbekterińizge tikeleı baılanysty. Osy ózgeristerdiń ózeginde – sizder, jas mamandar tursyzdar, – dedi Ermek Kósherbaev.

Bıylǵy jyldyń basynan beri 8 myńnan astam kásibı baǵdar berýshi maman daıyndaldy, mektepterde 352 beıindik synyp ashyldy, 1300-den astam oqýshy jumysshy mamandyqtarynyń negizderin meńgerip úlgerdi. Sheftik qamqorlyqqa alǵan kásiporyndar sany 7 esege artsa, kásiporyndarmen dýaldy oqytý kelisimsharttarynyń sany 2 esege kóbeıdi. 185 kolledjde materıaldyq-tehnıkalyq baza jańartylyp, stýdentterdiń jataqhanamen qamtylýy 96%-ǵa jetti.

1 qyrkúıekten bastap tehnıkalyq jáne kásiptik bilim berý uıymdaryna arnalǵan jan basyna shaqqandaǵy qarjylandyrý kólemi 2 esege ósip, bir stýdentke 437 myń teńgeden 912 myń teńgege deıin ulǵaıady.

Slet 24 shildege deıin jalǵasady. Úsh kún boıy jastar motıvaııalyq kezdesýlerge, sheberlik sabaqtaryna, ınteraktıvti bilim berý bloktaryna, komandalyq tapsyrmalar men mádenı-sporttyq baǵdarlamalarǵa qatysady.

Aıta keteıik, elimizde 772 kolledj bar, onda 550 myńnan astam stýdent bilim alýda.