Jańalyqtar
Júrgizýshi kýáligin berý úshin azamattardan aqsha alǵan HQKO qyzmetkerleri sottaldy
Foto: istockphoto.com
О́skemen qalasynyń №2 sotynda mamandandyrylǵan HQKO basshysy men eki qyzmetkerine qatysty qylmystyq is qaraldy.
«Azamattarǵa arnalǵan úkimet» memlekettik korporaııasy fılıalynyń halyqqa qyzmet kórsetý jónindegi mamandandyrylǵan bóliminiń basshysy óziniń eki qyzmetkeriniń kómegimen ótken jyldyń aqpan-qazan aılarynyń aralyǵynda azamattardan júrgizýshi kýáligin alýǵa emtıhan tapsyrǵan kezde kómek kórsetkeni úshin aqsha alǵan. Aqshanyń jalpy somasy 34 960 500 teńgeni qurady, dep habarlaıdy qandastar.kz turkystan.kz-ke silteme jasap.
Sottalýshylar jasaǵan qylmysyn moıyndap, istegen isterine ókinish bildirdi. Memlekettik aıyptaýshymen kináni moıyndaý týraly proessýaldyq kelisim jasady.
Sot úkimimen Halyqqa qyzmet kórsetý ortalyǵynyń basshysy kináli dep tanylyp, 1 725 000 teńge aıyppul salyndy. Memlekettik jáne kommerııalyq emes mekemelerde laýazymdy qyzmetter atqarý quqyǵynan bir jylǵa aıyryldy. Bir qyzmetkerine de osyndaı jaza taǵaıyndalǵan. Ekinshisi memlekettik jáne kommerııalyq emes mekemelerde laýazymdy qyzmetter atqarý quqyǵynan úsh jylǵa aıyryldy. Onyń qylmystyq jolmen tapqan aqshaǵa satyp alǵan páteri tárkilendi.
Úkim áli zańdy kúshine engen joq.
