Jýrnalıst Dıas Ahmetshárip qaıtys boldy

49 jasynda qazaqstandyq jýrnalıst Dıas Ahmetshárip qaıtys boldy, dep habarlady qandastar.kz

Mamyr aıynyń basynda Dıas Ahmetshárip Aqtaýda aýrýhanaǵa túsken. Dárigerler oǵan keń kólemdi ınsýlt dıagnozyn qoıyp, ol komaǵa túsken bolatyn.

Dıas Ahmetshárip óziniń jýrnalıstik mansabyn 1997 jyly «Qazaq radıosynda» bastaǵan. Keıin «Habar» jáne «Qazaqstan» telearnalarynda sport jýrnalısi bolyp jumys istedi. Ol «Qazsport» telearnasynyń alǵashqy dırektory atanyp, Insport telearnasynyń bas redaktory qyzmetin atqardy. 2003–2007 jyldar aralyǵynda QR Sport jáne týrızm isteri agenttiginiń baspasóz qyzmetin basqardy. Sońǵy jyldary Týrızm jáne sport mınıstriniń qoǵammen baılanys jónindegi keńesshisi boldy.