جۋرناليست: تالعارداعى 16 جاسار جىگىتتى ولتىرگەن قىلمىسكەرلەردىڭ سوتىن ونلاين وتكىزۋ كەرەك

فتتو: جەكە قورىنان

جۋرناليست داۋرەن سەيىتجان ۇلى تالعارداعى جاپپاي توبەلەس كەزىندە قايتىس بولعان جىگىتتىڭ سوتىن ونلاين وتكىزۋدى سۇرادى, دەپ حابارلايدى qandastar.kz.

“قۋاندىق بيشىمباەۆتىڭ ءىسى سياقتى ونلاين سوت وتكىزۋدى ۇسىنامىن. باسقالارعا دا ساباق بولسىن” دەپ جازدى ول فەيسبۋك جەلىسىندەگى پاراقشاسىندا.

ايتا كەتەيىك, تالعارداعى جانجال جىگىتتىڭ وتباسى جالعا الاتىن دۇكەندە باستالعان. قازىر تەرگەۋ ءجۇرىپ جاتىر. تۋىستارىنىڭ ايتۋىنشا, ساۋدا نۇكتەسىنە كەلگەن ساتىپ الۋشى سىرا الىپ, اقشاسىن تولەۋدەن باس تارتقان. وسىدان كەيىن توبەلەس باستالىپتى.

تۋىستارى كۇدىكتىلەر جەرگىلىكتى تۇرعىندار دەيدى. ولاردىڭ بارلىعى ءبىر اۋىلدا تۇرعان, بىراق جەكە تانىس بولماعان. توبەلەسكە قاتىسۋشىلاردىڭ ءبارى ۇستالدى.

“كىسى ءولتىرۋ فاكتىسى بويىنشا پوليتسيا قىلمىستىق ءىس قوزعادى. وقيعانىڭ بارلىق قاتىسۋشىلارى ۇستالىپ, ۋاقىتشا ۇستاۋ يزولياتورىنا قامالدى. قىلمىستىق ءىستى تەرگەۋ وبلىستىق پوليتسيا دەپارتامەنتى باسشىلىعىنىڭ ەرەكشە باقىلاۋىندا”, – دەيدى الماتى وبلىسى پد باستىعىنىڭ ورىنباسارى مالىك قابدۋاليەۆ.

توبەلەسكە قاتىسقان شەرزاتتىڭ اعاسىنا ءۇش رەت پىشاق سالعانى بەلگىلى بولدى. قازىر ەر ادام اۋرۋحانادا ەم قابىلداپ جاتىر.