«جۋرناليستەر جاعدايدى داۋرىقتىرىپ وتىر»: قىزىلوردادا سەكس-قۇلدىقتا بولعان وقۋشى تۋرالى

فوتو: اشىق دەرەككوز

ىشكى ىستەر ءمينيسترىنىڭ بۇرىنعى ءبىرىنشى ورىنباسارى, قازىرگى سەنات دەپۋتاتى مارات قوجاەۆ قىزىلوردادا سەكس-قۇلدىقتا بولعان وقۋشى ءىسى بويىنشا سوت جابىق وتەدى دەپ حابارلادى. سەبەبى جابىرلەنۋشى مەن كەيبىر كۇدىكتى كامەلەت جاسقا تولماعان, دەپ جازادى qandastar.kz Alash.KZ-كە سىلتەمە جاساپ.

24 قازاندا پارلامەنت ۇيىندە جۋرناليستەر سۇراعىنا جاۋاپ بەرگەن قوجاەۆ ءىس بويىنشا قورىتىندى جاساۋعا ءالى ەرتە دەپ مالىمدەدى. بۇل جونىندە «ۆلاست» سايتى جازدى.

«قوعامدا رەزونانس بولماسا, قىزدىڭ ءۇي-ىشىنە قاۋىپسىز بولار ما ەدى?» دەگەن سۇراققا سەنات مۇشەسى ءوزى قۇقىق قورعاۋ ورگاندارىندا 30 جىل جۇمىس ىستەگەندە مۇنداي وقيعالاردى كوپ كورگەنىن, «قوعامداعى تالقىلاۋلارسىز-اق ءادىل جانە وبەكتيۆتى شەشىمدەر قابىلدانعانىن»ايتتى.

قازىر تۇرمەدە وتىرعان كوپ قىلمىسكەردىڭ ءىسى بويىنشا ەشقانداي رەزونانس بولماعان. سوتتا سىزدەر الەۋمەتتىك جەلىلەردە كوتەرگەن شۋ ەمەس, پروتسەستىك دالەلدەر عانا باعالانادى. دالەلدەر بولسا, كىنالىلەر جازاعا تارتىلادى» دەدى سەنات دەپۋتاتى.

قوجاەۆ «جۋرناليستەر اقپارات كەڭىستىگىندە جاعدايدى داۋرىقتىرىپ وتىر», ال «حالىقتىڭ باسىم بولىگى قازاقستاننىڭ قۇقىق جۇيەسىنە سەنەدى» دەپ مالىمدەدى.