«Jýrnalıster jaǵdaıdy daýryqtyryp otyr»: Qyzylordada seks-quldyqta bolǵan oqýshy týraly

Foto: ashyq derekkóz

Ishki ister mınıstriniń burynǵy birinshi orynbasary, qazirgi senat depýtaty Marat Qojaev Qyzylordada seks-quldyqta bolǵan oqýshy isi boıynsha sot jabyq ótedi dep habarlady. Sebebi jábirlenýshi men keıbir kúdikti kámelet jasqa tolmaǵan, dep jazady qandastar.kz Alash.KZ-ke silteme jasap.

24 qazanda parlament úıinde jýrnalıster suraǵyna jaýap bergen Qojaev is boıynsha qorytyndy jasaýǵa áli erte dep málimdedi. Bul jóninde «Vlast» saıty jazdy.

«Qoǵamda rezonans bolmasa, qyzdyń úı-ishine qaýipsiz bolar ma edi?» degen suraqqa senat múshesi ózi quqyq qorǵaý organdarynda 30 jyl jumys istegende mundaı oqıǵalardy kóp kórgenin, «qoǵamdaǵy talqylaýlarsyz-aq ádil jáne obektıvti sheshimder qabyldanǵanyn»aıtty.

Qazir túrmede otyrǵan kóp qylmyskerdiń isi boıynsha eshqandaı rezonans bolmaǵan. Sotta sizder áleýmettik jelilerde kótergen shý emes, proestik dálelder ǵana baǵalanady. Dálelder bolsa, kináliler jazaǵa tartylady» dedi senat depýtaty.

Qojaev «jýrnalıster aqparat keńistiginde jaǵdaıdy daýryqtyryp otyr», al «halyqtyń basym bóligi Qazaqstannyń quqyq júıesine senedi» dep málimdedi.