جىلان ۋىنا قارسى ءدارى شىعادى

عالىمدار جىلان شاققان كەزدە بولىنەتىن ۋلى توكسيندى جوياتىن امبەباپ انتيدەنە جاساۋعا كىرىستى. جالپى جىلان ۋىنىڭ قۇرامى وتە كۇردەلى, ول اقۋىز, فەرمەنتتەر مەن پەپتيدتەر جيىنتىعىنان تۇرادى.

بۇل زات ءار جىلاندا ءارتۇرلى جانە بۇلشىقەتتىڭ تارتىلۋى, قان ۇيىپ قالۋى, جۇيكە جۇيەسىنىڭ بۇزىلۋى سياقتى قاۋىپتى زارداپتارعا اكەپ سوعادى. سول سەبەپتى, ۋدىڭ ءارتۇرلى بولۋى ودان قورعاناتىن ءدارىنىڭ دە قۇرامىنا اسەر ەتەدى.

عالىمدار ويلاپ تاپقان انتيدەنە  95Mat5 دەگەن اتاۋ الدى. ول قارا مامبا, كورولدىك كوبرا سياقتى جىلاندار شاققان تىشقاندارعا قولدانىلدى. پرەپارات افريكا, ازيا جانە اۆستراليادا كەزدەسەتىن جىلانداردىڭ ۋىن جويۋعا قاۋقارلى.

عالىمدار يننوۆاتسيالىق ءتاسىلدى قولدانىپ, كۇردەلى زەرتتتەۋلەر جۇرگىزدى. بۇل ازىرلەمە باسقا دا جانۋارلار ۋىنا قارسى امبەباپ ءدارى-دارمەك تابۋعا جول اشىپ وتىر.

جىل سايىن دۇنيە جۇزىندە جىلان شاققاننان 100 مىڭ ادام ءولىمى تىركەلەدى. ءبىزدىڭ ەلىمىزدە دە جىلان ۋىنان مەرت بولۋ وقيعالارى بولعانىن بىلەمىز.

زەرتتەۋ Science Translational Medicine جۋرنالىندا جاريالاندى.