Jylan ýyna qarsy dári shyǵady

Ǵalymdar jylan shaqqan kezde bólinetin ýly toksındi joıatyn ámbebap antıdene jasaýǵa kiristi. Jalpy jylan ýynyń quramy óte kúrdeli, ol aqýyz, fermentter men peptıdter jıyntyǵynan turady.

Bul zat ár jylanda ártúrli jáne bulshyqettiń tartylýy, qan uıyp qalýy, júıke júıesiniń buzylýy sııaqty qaýipti zardaptarǵa ákep soǵady. Sol sebepti, ýdyń ártúrli bolýy odan qorǵanatyn dáriniń de quramyna áser etedi.

Ǵalymdar oılap tapqan antıdene  95Mat5 degen ataý aldy. Ol qara mamba, koroldik kobra sııaqty jylandar shaqqan tyshqandarǵa qoldanyldy. Preparat Afrıka, Azııa jáne Avstralııada kezdesetin jylandardyń ýyn joıýǵa qaýqarly.

Ǵalymdar ınnovaııalyq tásildi qoldanyp, kúrdeli zerttteýler júrgizdi. Bul ázirleme basqa da janýarlar ýyna qarsy ámbebap dári-dármek tabýǵa jol ashyp otyr.

Jyl saıyn dúnıe júzinde jylan shaqqannan 100 myń adam ólimi tirkeledi. Bizdiń elimizde de jylan ýynan mert bolý oqıǵalary bolǵanyn bilemiz.

Zertteý Science Translational Medicine jýrnalynda jarııalandy.