ءبىلىمجاڭالىقتار
جىلدام ءارى زاڭدى عىلىمي دارەجە: قازاقستاندىق ءبىلىم الۋشىلارعا ديپلوم الۋدىڭ جاڭا ءتاسىلى ۇسىنىلدى
فوتو: دسم
قازاقستاندا سوڭعى جىلدارى ءبىلىم بەرۋ سالاسىنداعى الاياقتىق ماسەلەسى, اسىرەسە ماگيستر دارەجەسىن الۋ كەزىندە وزەكتى بولا تۇسۋدە, دەپ حابارلايدى qandastar.kz
بەدەلدى ديپلومدار مانساپتىق وسۋگە جانە جاڭا مۇمكىندىكتەرگە جول اشادى, بىراق كەيبىر ادامدار عىلىمي دارەجەنى الۋ ءۇشىن الاياقتىق جولدى تاڭدايدى.
Aqparat saqshysy Telegram-ارناسىنىڭ ماماندارى ماگيستر دارەجەسىن الۋداعى بەلەڭ الىپ جاتقان الاياقتىق ارەكەتتەرى جايلى ايتىپ بەردى.
الاياق ەكەنىن قايدان بىلۋگە بولادى?
- الاياقتار ساباققا قاتىسپاي نەمەسە ديسسەرتاتسيا جازباي-اق ماگيسترلىك ديپلومدى «ساتىپ الۋدى» ۇسىنادى. مۇنداي ديپلوم, ادەتتە, جالعان نەمەسە زاڭسىز جولمەن الىنعان بولىپ شىعادى.
- كەيبىر جوسىقسىز ۇيىمدار ليتسەنزياسىز ماگيسترلىك باعدارلامالاردى ۇسىنا وتىرىپ, وزدەرىن رەسمي اككرەديتتەلگەن ۋنيۆەرسيتەتتەر رەتىندە كورسەتەدى
- اكادەميالىق ادالدىق پرينتسيپتەرىن بۇزاتىن ديسسەرتاتسيا جازۋعا نەمەسە ەمتيحان تاپسىرۋعا اقىلى «كومەك» ءتاسىلىن ۇسىنادى.
- كەيبىر ماگيسترانتتار وزدەرىنىڭ اكادەميالىق جەتىستىكتەرىن راستايتىن جالعان عىلىمي جاريالانىمدار مەن ۇسىنىستار ءۇشىن اقى ۇسىنادى.
