Jylqy baǵasyn dońyzdan tómen qyldyq – depýtat Áltaev

Foto: © Sputnik / Abzal Kalıev

Májilis depýtaty Amanjol Áltaev Qazaqstanda jylqy súti zaýytyn ashý kerek dep esepteıdi, dep Qaz365.kz.

«Búgingi tańda elde ımportqa táýeldilik kóp. Halyqty óz ónimimizben qamtı almaı otyrmyz. Talapqa saı emes azyq-túliktiń sany ósip jatyr», – deıdi depýtat.

Amanjol Áltaev Aqtamberdi jyraýdyń «jylqydan asqan mal bar ma, qymyzdan asqan dám bar ma» degen sózin eske aldy.

«Biz ókinishke qaraı tórt túliktiń tóresi jylqynyń baǵasy dońyzdan tómen qyldyq. Jylqynyń súti baǵasyz bolyp bara jatyr. Eger baǵasyn bilsek, jylqy sútin óndirý arqyly tereńdete óńdep, qazaq halqynyń brendine aınaldyrýǵa bolar edi. Jylqy sútin bizdiń elde Molodejnyıdaǵy shaǵyn zaýytty qospaǵanda birde-bir zaýyt joq. Jylqy sútin óńdeıtin zaýyt salýǵa bola ma?» dep surady depýtat Aýyl sharýashylyǵy mınıstri Aıdarbek Saparovtan.

Saparov Qaraǵandy oblysynda «Saýmal» zaýyty baryn aıtty.

«Ár oblysta biraz azamattar bar. Biraq saýmaldy ótkizý qıyn. Eýropada suranys az. BAÁ-ge de jiberip jatyr. Qytaıǵa shekteýdi alyp tastadyq. Reestrge tirkeımiz. Suranys bolsa zaýyt salýǵa bolady. Suranys bolsa biraz azamattar bıe saýyp, zaýyt ashýǵa daıyn. Qazaqstanda jylqy sany 3,4 mln-ǵa jetti», – deıdi mınıstr.