Jańalyqtar
Jylý energetıkasyna monıtorıng júrgiziledi
Ýákiletti organ, turǵyn úı qatynastary jáne turǵyn úı-kommýnaldyq sharýashylyq salasyndaǵy ýákiletti organ, memlekettik energetıkalyq qadaǵalaý men baqylaý jónindegi memlekettik organ jáne jergilikti atqarýshy organdar oblystardyń, respýblıkalyq mańyzy bar qalalardyń, astananyń jylý energetıkasy obektileri men jylý jelileriniń jaı-kúıi týraly aqparatty jınaýdy, jańartyp otyrýdy jáne jarııalaýdy qosa alǵanda, udaıy monıtorıng júrgizýdi júzege asyrady.
Monıtorıngteý jylý energetıkasynyń naqty jáne josparly kórsetkishteriniń negizinde, onyń ishinde osy Qaǵıdalarǵa sáıkes jylý energııasyn óndirý, tasymaldaý, ótkizý jáne tutyný sektorlary boıynsha júzege asyrylady.
Monıtorıng júrgizý maqsatynda aqparat alý úshin jergilikti atqarýshy organdar jylýmen jabdyqtaý sýbektilerinen mynadaı aqparatty jazbasha suratady:
- personal sany;
- jylýmen jabdyqtaý sapasy men kólemi;
- jylý energııasyn tutyný rejımderi;
- jabdyqtardyń, jylý jelileriniń jáne qyzmetti júzege asyrý úshin paıdalanylatyn ózge de múliktiń jaı-kúıi;
- atalǵan múlikti jańǵyrtý, jóndeý, rekonstrýkııalaý, aýystyrý jónindegi sharalar;
- energııa tıimdiligin arttyrý jáne jylý energııasynyń shyǵynyn azaıtý jónindegi sharalar;
- jańartylatyn energııa kózderin paıdalaný tehnologııalaryn engizý jónindegi sharalar;
- jeke jylýmen jabdyqtaý júıelerinde paıdalanylǵan otynnyń mólsheri men túri týraly.
Jylýmen jabdyqtaý sýbektileriniń jergilikti atqarýshy organdardyń suraý salýy boıynsha aqparat berý merzimi keminde 10 (on) jumys kúnin quraıdy.
Elektrondyq qujat aınalymy júıesi bolǵan kezde qujattar jergilikti atqarýshy organdarǵa elektrondyq formatta usynylady.
Jergilikti atqarýshy organdar monıtorıng aıaqtalǵannan keıin 10 (on) jumys kúni ishinde kórsetkishter men ólshemsharttar boıynsha barlyq derekterdi kórsete otyryp, monıtorıng nátıjelerin ózderiniń resmı ınternet-resýrstaryna ornalastyrady.
2026 jylǵy 1 qańtardan bastap monıtorıng jylý energetıkasynyń naqty jáne josparly kórsetkishteri negizinde, onyń ishinde osy Qaǵıdalarǵa sáıkes jylý energııasyn óndirý, tasymaldaý, ótkizý jáne tutyný sektorlary boıynsha júzege asyrylatyny týraly tarmaq tolyqtyrylady.
Buıryq 2025 jylǵy 28 qańtardan bastap qoldanysqa engiziledi.
