«زورلاپ, قابىرعاسىن سىندىرعان»: بەلگىلى ءارتىستى كونتسەرت الدىندا ءولتىرىپ كەتتى

ماسكەۋدە ورىن العان قايعىلى وقيعا رەسەي ءىىم مادەني قاۋىمداستىعىن ءدۇر سىلكىندىردى, دەپ حابارلايدى Qandastar.kz سايتى Skifnews.kz-كە سىلتەمە جاساپ.

38 جاستاعى ماريا م., رەسەي ىشكى ىستەر مينيسترلىگىنىڭ ايگىلى «پەسني ي تانتسى – گورنيتسا» ءانسامبلىنىڭ ءارتىسى, ءوز ۇيىندە شابۋىل سالدارىنان العان اۋىر جاراقاتتارىنان قازا تاپتى. ايەل ءبىر اپتا بويى اياۋسىز سوققىعا جىعىلىپ, جىنىستىق زورلىق-زومبىلىق قۇربانى بولعانىن جاسىرىپ كەلگەن.

الدىن الا مالىمەتتەر بويىنشا, قايعىلى جاعداي ماريانىڭ دەنەسىندەگى كوپتەگەن كوگەرگەن ىزدەرىمەن دوسىنىڭ ۇيىنە كەلگەن كەزدە بەلگىلى بولعان. ول العان جاراقاتتارىنىڭ اۋىرلىعىنا بايلانىستى ءانسامبلدىڭ جوسپارلانعان كونتسەرتىنەن باس تارتۋعا ءماجبۇر بولعانىن ايتقان.

كۇش جيناۋ ءۇشىن دوسىنىڭ ۇيىندە قالۋدى ءجون كورگەن ماريانىڭ جاعدايى كۇتپەگەن جەردەن ناشارلاپ كەتكەن. ەكى كۇننەن كەيىن قۇربىسى ونىڭ ءحالىنىڭ اۋىرلاعانىن بايقاپ, دەرەۋ جەدەل جاردەم شاقىرىپ, اكەسىنە حابارلاسقان.

اۋرۋحاناعا جەتكىزىلگەندە پوليتسيا قىزمەتكەرلەرىنىڭ قاتىسۋىمەن ماريا بولعان جانتۇرشىگەرلىك وقيعا تۋرالى ايتىپ بەرگەن. ول ءبىر اپتا بۇرىن ماسكەۋدىڭ ششەربينكا اۋدانىنداعى ءوز پاتەرىندە شابۋىلعا ۇشىراپ, اياۋسىز سوققىعا جىعىلىپ, زورلانعانىن مالىمدەگەن. وكىنىشكە قاراي, ونىڭ جاعدايى تەز ناشارلاپ, بارلىق مالىمەتتى ايتىپ ۇلگەرمەستەن كوز جۇمعان.

الدىن الا قورىتىندىعا سايكەس, ماريانىڭ ولىمىنە قابىرعاسىنىڭ اۋىر سىنىعى سەبەپ بولعان. ۋاقىتىندا مەديتسينالىق كومەك كورسەتىلمەگەندىكتەن, العان جاراقاتتارى ومىرىمەن ۇيلەسپەگەن.

مارقۇم ءارتىستىڭ 11 جاستاعى قىزى قالعان. قازىرگى مالىمەت بويىنشا, ول اكەسىمەن بىرگە تۇرىپ جاتىر.

«پەسني ي تانتسى – گورنيتسا» ءانسامبلى رەسەي ءىىم مادەني مۇراسىن ناسيحاتتاپ, ءتۇرلى مادەني ءىس-شارالاردا ونەر كورسەتەتىن تانىمال ۇجىم. كوللەكتيۆ ەل كولەمىندە جانە حالىقارالىق ساحنالاردا دا كونتسەرتتەرگە قاتىسىپ ءجۇر.

قۇقىق قورعاۋ ورگاندارى قازىر قايعىلى وقيعانىڭ بارلىق ءمان-جايىن انىقتاپ, قىلمىسقا قاتىسى بار كۇدىكتىنى ىزدەستىرۋ جۇمىستارىن جۇرگىزىپ جاتىر.