Astanada Qadir túninde meshitke jınalǵan jurt tegin tamaqqa talasty

Foto: ashyu derekkóz

Áleýmettik jelide Qadir túni Astanadaǵy Áziret Sultan meshitiniń aldynda jınalǵan jamaǵattyń tegin tamaqqa talasqan vıdeosy tarady. Tegin tamaq úshin qaýmalap, jantalasqan jurt jeli qoldanýshylardyń ashýyn týǵyzdy. Bul týraly qandastar.kz habarlady.

Eloradalyq meımanhana Qadir túnin kútken astanalyqtarǵa Áziret Sultan meshiniń aldynda tegin tamaq taratqan. Tegin tamaqtan dámetkenderdiń qarasy kóbeıip, meshittiń aldynda beıbereketsizdik ornady. Áleýmetttik jelide taraǵan vıdeodan jas balalar men eresekterdiń tamaq tıelgen kólikke qaraı júgirip bara jatqanyn kórýge bolady. Tamaqqa talasqan adamdar jeli qoldanýshylarynyń narazylyǵyn týǵyzdy.

«Dym kórmegender», «Bizde bári baıaǵydaı», «Osyndaı jaǵdaı bolmas úshin mundaı sharalar uıymdastyrmaý kerek», «Ashtan kelgendeı, úılerińde tamaq joq pa? Jabaıylarǵa uqsap tap bergeni nesi?», «Halyq ash», «Bizde tegin eshteńe taratýǵa bolmaıdy. Adamdar janýardan beter bolyp ketedi», «Mynaý uıat qoı», «Meshitke ne úshin kelgenderin umytyp qaldy ǵoı deımin», – dep jarysa jazdy jelidegiler.

stan.kz  jazǵandaı, meshitke jınalǵan adamdarǵa tegin tamaq taratqan «Miko» degen meımanhana bolyp shyqty. Meımanhana basshysynyń aıtýynsha, jyl saıyn Qadir túninde adamdarǵa tegin tamaq taratady. Alaıda mundaı qaýmalaǵan adamdy birinshi ret kórgen.

«О́z qyzmetkerlerimizge meshit mańynda tegin tamaq taratanymyz týraly aıttyq. Biraq mundaı habarlamany jelide jarııalaǵan joqpyz. Biz muny jylda istep júrmiz. Biraq mundaı jaǵdaı bolmaǵan. Jelige salǵan adam jınalǵandardyń talasyp jatqanyn, gazeldiń kelip toqtaǵan sátin túsirgen. Biraq odan keıin adamdar kezekke turdy. Biz kezekpen taratyp berdik. Ony túsirmegen. Jalpy myń adamǵa shaqtap daıyndaǵan edik. Alaıda jınalǵandardyń sany odan kóp bolyp ketti», – deıdi basshylyq.

Bolǵan jaǵdaıǵa qatysty astanalyq polıııa da pikir bildirdi. Vedomstvonyń málimetinshe, tamaq taratqandar atqarýshy organnyń ruqsatyn almaǵan.

«Qadir túni» kezinde Áziret sultan meshitiniń aýmaǵynda meshit qyzmetkerleriniń kelisimimen, biraq jergilikti atqarýshy organnyń ruqsatynsyz, oraza kezindegi sáresi ýaqytynda tamaq taratylǵan. Bul jaǵdaı adamdardyń jappaı jınalýyna sebep boldy. Polıııa qyzmetkerleri oqıǵa ornyna baryp, jaǵdaıdy rettedi», – dep málimdedi polıııa.

Sondaı-aq polıııa qyzmetkerleri meshit basshylyǵyna qoǵamdyq tártip buzýshylyqtarǵa jol bermeý týraly profılaktıkalyq áńgime júrgizdi.