الەۋمەت جانە قوعامجاڭالىقتار
ەلىمىزدە شەتەلدىك سپورتشىلاردى بيۋدجەت ەسەبىنەن قارجىلاندىرۋ توقتايدى
فوتو: اشىق دەرەككوز
قازاقستان رەسپۋبليكاسىنىڭ ازاماتتارى بولىپ تابىلمايتىن سپورتشىلاردى بيۋدجەت قاراجاتى ەسەبىنەن قارجىلاندىرۋعا تىيىم سالىنادى. سەنات ءتيىستى زاڭدى ماقۇلدادى, دەپ حابارلايدى qandastar.kz
سەنات «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت, سونداي-اق ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى ماقۇلدادى.
سەناتور اسەم راحمەتوۆانىڭ ايتۋىنشا, زاڭ دەنە شىنىقتىرۋ جانە سپورت سالاسىنداعى زاڭنامانى ودان ءارى جەتىلدىرۋ, سونداي-اق اكىمشىلىك رەفورمانىڭ 2-كەزەڭىن ىسكە اسىرۋ شەڭبەرىندە ورتالىق جانە جەرگىلىكتى اتقارۋشى ورگاندار اراسىنداعى قۇزىرەتتەردىڭ اراجىگىن اجىراتۋ ماقساتىندا ازىرلەنگەن.
زاڭمەن 2 كودەكسكە, 5 زاڭعا كەلەسى جاڭالىقتاردى قامتيتىن تۇزەتۋلەر ەنگىزىلىپ وتىر:
- باسىم سپورت تۇرلەرىن ولاردىڭ رەيتينگى نەگىزىندە ەمەس, وليمپيادا, پاراليمپيادا, سۋردليمپيا, ازيا جانە پارا ازيا ويىندارىندا ۇلتتىق قۇراما كوماندالاردىڭ ونەر كورسەتۋ ناتيجەلەرى بويىنشا قالىپتاستىرۋ;
- رەسپۋبليكالىق جانە وڭىرلىك سپورت فەدەراتسيالارىن ۇلتتىق سپورت فەدەراتسيالارىنا وزگەرتۋ;
- جوعارى جەتىستىكتەر سپورتىنا جاتاتىن باسىم سپورت تۇرلەرىن ءبىرىنشى كەزەكتەگى تارتىپپەن قارجىلاندىرۋدى جۇزەگە اسىرۋ;
- سپورتتىڭ ويىن تۇرلەرى بويىنشا كاسىبي سپورت كلۋبتارىن ۇستاۋعا ليميتتەر بەلگىلەۋ;
- قازاقستان رەسپۋبليكاسىنىڭ ازاماتتارى بولىپ تابىلمايتىن سپورتشىلاردى بيۋدجەت قاراجاتى ەسەبىنەن قارجىلاندىرۋعا تىيىم سالۋ;
- سپورت فەدەراتسيالارىن اككرەديتتەۋگە قاتىستى تالاپتار بەلگىلەۋ;
- اككرەديتتەلگەن سپورت فەدەراتسيالارىنا ءدىني ەكسترەميزم مەن تەرروريزمنىڭ الدىن الۋ جونىندە شارالار قابىلداۋ مىندەتىن بەلگىلەۋ;
- بىرىڭعاي وپەراتوردىڭ قارجىسىنا سپورتتىق ينفراقۇرىلىم وبەكتىلەرىن سالۋعا مۇمكىندىك بەرۋ;
- ۋاكىلەتتى ورگان رەسپۋبليكالىق مەملەكەتتىك دەنە شىنىقتىرۋ-سپورت ۇيىمدارىنىڭ ءبىرىنشى باسشىلارىن, جەرگىلىكتى اتقارۋشى ورگاندار جەرگىلىكتى مەملەكەتتىك دەنە شىنىقتىرۋ سپورت ۇيىمدارىنىڭ ءبىرىنشى باسشىلارىن روتاتسيالاۋدى ىسكە اسىرۋ.
«سونداي-اق سپورتتىق ءىس-شارالارعا جانە حالىقارالىق سپورتتىق جارىستارعا جىبەرۋ كەزىندە ءبىرىنشى توپتاعى مۇگەدەكتىگى بار سپورتشىنى الىپ جۇرەتىن ادامنىڭ شىعىندارىن وتەۋ جونىندەگى زاڭنامالىق تالاپ بەلگىلەندى.
بۇدان باسقا, سپورتتىق مەديتسينانى دامىتۋعا باعىتتالعان نورمالار كوزدەلگەن.
سپورتشىلاردىڭ مامانداندىرىلعان مەديتسينالىق كومەگىن قامتاماسىز ەتۋ, سونداي-اق سپورتتىق مەديتسينا جانە وڭالتۋ سالاسىندا زاماناۋي تەحنولوگيالاردى ەنگىزۋ ماقساتىندا ۇلتتىق سپورتتىق مەديتسينا جانە وڭالتۋ ۇيىمىن مەملەكەتتىك كاسىپورىن نىسانىندا قۇرۋ ۇسىنىلادى.
زاڭمەن سپورتشىلار مەن جاتتىقتىرۋشىلارعا مەملەكەتتىك الەۋمەتتىك قولداۋ كورسەتۋ تارتىبىنە دە وزگەرىستەر ەنگىزىلدى», — دەيدى اسەم راحمەتوۆا.
سەناتور بۇل قازاقستان ازاماتى بولىپ تابىلاتىن جانە ەل اۋماعىندا دەنە شىنىقتىرۋ جانە سپورت سالاسىندا كەمىندە جيىرما جىل ەڭبەك ءوتىلى بار, وليمپيادا, پاراليمپيادا, سۋردليمپيادا ويىندارىنىڭ چەمپيوندارى مەن جۇلدەگەرلەرى جانە (نەمەسە) وليمپيادالىق سپورت تۇرلەرى بويىنشا الەم چەمپيونى اتاعىن جەڭىپ العان سپورتشىلارعا قاتىستى ەكەنىن ناقتىلادى.
«قازاقستان ازاماتى بولىپ تابىلاتىن جانە ەلىمىز اۋماعىندا دەنە شىنىقتىرۋ جانە سپورت سالاسىندا كەمىندە جيىرما جىل ەڭبەك ءوتىلى بار, وليمپيادا, پاراليمپيادا, سۋردليمپيادا ويىندارىنىڭ چەمپيوندارى مەن جۇلدەگەرلەرى جانە (نەمەسە) وليمپيادالىق سپورت تۇرلەرى بويىنشا الەم چەمپيوندارى اتاقتارىن جەڭىپ العان سپورتشىلاردى دايىنداعان جاتتىقتىرۋشىلار دا ماتەريالدىق قامتاماسىز ەتىلەدى.
بۇدان باسقا, زاڭ نورمالارىمەن اكىمشىلىك رەفورمانىڭ 2-كەزەڭى اياسىندا ورتالىق جانە جەرگىلىكتى اتقارۋشى ورگاندار اراسىنداعى قۇزىرەتتەردى اجىراتۋعا قاتىستى تۇزەتۋلەر كوزدەلگەن», — دەپ ءتۇسىندىردى سەناتور اسەم راحمەتوۆا.
