Elimizde sheteldik sportshylardy bıýdjet esebinen qarjylandyrý toqtaıdy

Foto: ashyq derekkóz

Qazaqstan Respýblıkasynyń azamattary bolyp tabylmaıtyn sportshylardy bıýdjet qarajaty esebinen qarjylandyrýǵa tyıym salynady. Senat tıisti zańdy maquldady, dep habarlaıdy qandastar.kz

Senat «Qazaqstan Respýblıkasynyń keıbir zańnamalyq aktilerine dene shynyqtyrý jáne sport, sondaı-aq artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» zańdy maquldady.

Senator Ásem Rahmetovanyń aıtýynsha, zań dene shynyqtyrý jáne sport salasyndaǵy zańnamany odan ári jetildirý, sondaı-aq ákimshilik reformanyń 2-kezeńin iske asyrý sheńberinde ortalyq jáne jergilikti atqarýshy organdar arasyndaǵy quzyretterdiń arajigin ajyratý maqsatynda ázirlengen.

Zańmen 2 Kodekske, 5 zańǵa kelesi jańalyqtardy qamtıtyn túzetýler engizilip otyr:

• basym sport túrlerin olardyń reıtıngi negizinde emes, Olımpıada, Paralımpıada, Sýrdlımpıa, Azııa jáne Para Azııa oıyndarynda ulttyq qurama komandalardyń óner kórsetý nátıjeleri boıynsha qalyptastyrý;
• respýblıkalyq jáne óńirlik sport federaııalaryn ulttyq sport federaııalaryna ózgertý;
• joǵary jetistikter sportyna jatatyn basym sport túrlerin birinshi kezektegi tártippen qarjylandyrýdy júzege asyrý;
• sporttyń oıyn túrleri boıynsha kásibı sport klýbtaryn ustaýǵa lımıtter belgileý;
• Qazaqstan Respýblıkasynyń azamattary bolyp tabylmaıtyn sportshylardy bıýdjet qarajaty esebinen qarjylandyrýǵa tyıym salý;
• sport federaııalaryn akkredıtteýge qatysty talaptar belgileý;
• akkredıttelgen sport federaııalaryna dinı ekstremızm men terrorızmniń aldyn alý jóninde sharalar qabyldaý mindetin belgileý;
• biryńǵaı operatordyń qarjysyna sporttyq ınfraqurylym obektilerin salýǵa múmkindik berý;
• ýákiletti organ respýblıkalyq memlekettik dene shynyqtyrý-sport uıymdarynyń birinshi basshylaryn, jergilikti atqarýshy organdar jergilikti memlekettik dene shynyqtyrý sport uıymdarynyń birinshi basshylaryn rotaııalaýdy iske asyrý.

«Sondaı-aq sporttyq is-sharalarǵa jáne halyqaralyq sporttyq jarystarǵa jiberý kezinde birinshi toptaǵy múgedektigi bar sportshyny alyp júretin adamnyń shyǵyndaryn óteý jónindegi zańnamalyq talap belgilendi.

Budan basqa, sporttyq medıınany damytýǵa baǵyttalǵan normalar kózdelgen.

Sportshylardyń mamandandyrylǵan medıınalyq kómegin qamtamasyz etý, sondaı-aq sporttyq medıına jáne ońaltý salasynda zamanaýı tehnologııalardy engizý maqsatynda ulttyq sporttyq medıına jáne ońaltý uıymyn memlekettik kásiporyn nysanynda qurý usynylady.

Zańmen sportshylar men jattyqtyrýshylarǵa Memlekettik áleýmettik qoldaý kórsetý tártibine de ózgerister engizildi», — deıdi Ásem Rahmetova.

Senator bul Qazaqstan azamaty bolyp tabylatyn jáne el aýmaǵynda dene shynyqtyrý jáne sport salasynda keminde jıyrma jyl eńbek ótili bar, Olımpıada, Paralımpıada, Sýrdlımpıada oıyndarynyń chempıondary men júldegerleri jáne (nemese) olımpıadalyq sport túrleri boıynsha Álem chempıony ataǵyn jeńip alǵan sportshylarǵa qatysty ekenin naqtylady.

«Qazaqstan azamaty bolyp tabylatyn jáne elimiz aýmaǵynda dene shynyqtyrý jáne sport salasynda keminde jıyrma jyl eńbek ótili bar, Olımpıada, Paralımpıada, Sýrdlımpıada oıyndarynyń chempıondary men júldegerleri jáne (nemese) olımpıadalyq sport túrleri boıynsha Álem chempıondary ataqtaryn jeńip alǵan sportshylardy daıyndaǵan jattyqtyrýshylar da materıaldyq qamtamasyz etiledi.

Budan basqa, zań normalarymen ákimshilik reformanyń 2-kezeńi aıasynda ortalyq jáne jergilikti atqarýshy organdar arasyndaǵy quzyretterdi ajyratýǵa qatysty túzetýler kózdelgen», — dep túsindirdi senator Ásem Rahmetova.