Elordaǵa áskerı paradqa qatysýshylardyń alǵashqy legi keldi

Foto:gov.kz

Qorǵanys mınıstrliginiń aqparatyna sáıkes, qurlyq áskerleri «Batys» óńirlik qolbasshylyǵyna qarasty teńiz jaıaý áskeri brıgadasynyń irikteýden ótken 170-ten astam áskerı qyzmetshisi Uly Otan soǵysyndaǵy Jeńistiń 80 jyldyǵyna arnalǵan áskerı paradqa qatysady,  dep habarlaıdy qandastar.kz

Elordadaǵy Qazaq eli alańynda ótetin sherýde Aqtaý garnızonynda qyzmet ótkerip jatqan ofıerler, serjanttar jáne merzimdi qyzmettiń 160 sarbazy saltanatty sap túzemek.

– Paradqa qatysýshylar bar jaǵynan muqııat irikteýden ótti. Bul biz úshin úlken mártebe jáne jaýapkershilik. О́ıtkeni, áskerı sherý – beıbitshilik úshin óz janyn qurban etken batyrlarǵa degen qurmet, – dep atap ótti Teńiz jaıaý áskeri brıgadasy komandıriniń jaýyngerlik jáne dene shynyqtyrý daıarlyǵy jónindegi orynbasary maıor Berik Almanııazov.

Saltanatty qarsy alýdan keıin teńiz jaıaý áskeri ýaqytsha ornalasatyn jerge jetkizildi.

Aıta ketý kerek, Jeńis sherýine daıyndyq barynsha uıymshyldyqty, tártipti jáne joǵary jaýapkershilikti qajet etedi. Bıyl oǵan Qarýly kúshter, basqa da áskerler men áskerı quralymdardyń 4000-nan asa áskerı qyzmetshisi qatysady. Onyń ishinde 200-den astam áskerı qyzmetshi áıel bar. Paradqa 200-den asa áskerı tehnıka men avıaııa qatysady.