جاڭالىقتار
تاكسيدەگى قورقىنىش: جاڭا ادامدار الىمساقتىقتى باستان وتكەرگەن جاندارمەن تىلدەستى
فوتو: قوردان الىندى
وتكەن جىلدىڭ جەلتوقسانىندا جەلىدە استانا – قاراعاندى باعىتىنداعى ساپار كەزىندە سۇر Toyota Camry كولىگىندە الىمساقتىققا ۇشىراعان قىزدىڭ قايعىلى وقيعاسى جاريالاندى. بۇل وقيعا الەۋمەتتىك جەلىلەر مەن باق بەتتەرىندە تەز تاراپ كەتتى. قىزدار پىكىرلەردە ونى تالقىلاپ, ۇقساس وقيعالارىمەن ءبولىسىپ, ءبىر-ءبىرىن ەسكەرتۋ جاساعان بولاتىن, دەپ جازدى qandastar.kz
كوپ ۇزاماي بەلگىلى بولدى: بۇل ءبىرىنشى رەت ەمەس. ونداعان قىز ۇقساس جاعدايعا تاپ بولعان. سول Toyota Camry جۇرگىزۋشىسى ءوزىن ءجونسىز ۇستاپ, جولاۋشى قىزدارعا تيىسكەن, ءتىپتى ەسىكتەردى ق ۇلىپتاپ, كولىكتەن شىعۋعا مۇمكىندىك بەرمەگەن. بۇل وقيعا قوعامدا ۇلكەن رەزونانس تۋدىرعاننان كەيىن پوليتسيا ىسكە ارالاستى.
بۇل رەتتە جاڭا ادامدار ءوز تەرگەۋىن جۇرگىزدى.
ء«بىز الىمساقتىققا ۇشىراعان قىزدارمەن بايلانىستىق. ۋاقىت وتە كەلە ۇشەۋى سۇحبات بەرۋگە كەلىستى. ولاردىڭ وقيعالارى ءبىر-بىرىمەن تولىق سايكەس كەلەدى. سۇر Toyota Camry كولىگىنىڭ جۇرگىزۋشىسى ءاردايىم بىردەي ارەكەت جاساعان. الدىمەن ول قىزداردى ارتقى ورىندارعا باسقا جولاۋشىلار وتىرادى دەپ الداپ, الدىڭعى ورىنعا اۋىسۋعا كوندىرگەن. كەيىن ءتيىسىپ, قولىنا يە بولماي, ءوزىن ادەپسىز ۇستاي باستاعان. جابىرلەنۋشىلەر ونى توقتاتۋعا نەمەسە كولىكتەن شىعۋعا تىرىسقاندا, ول ەسىكتەردى ق ۇلىپتاپ, كولىكتە قالۋعا جانە قورقىنىش پەن ۇرەيدى سەزىنۋگە ماجبۇرلەگەن. الىمساقتىق فاكتىسى بويىنشا پوليتسياعا ارىز تۇسىرگەن قىزدىڭ ايتۋىنشا, ودان بولەك تاعى 17 ادام پوليتسياعا جۇگىنگەن», — دەدى قور وكىلدەرى.
جاڭا ادامدار بۇل تاكسيستىڭ اتى-ءجونىن انىقتاي الدى. ول – 1988 جىلى تۋعان ازامات. وكىنىشكە قاراي ول ءوز كىناسىن مويىنداپ, جاپا شەككەندەردەن كەشىرىم سۇراۋدىڭ ورنىنا ءىستى «جابۋعا» تىرىسقان.
جاڭا ادامدار ەسكەرتەدى: تاكسيدەگى الىمساقتىق – ۇلكەن قىلمىس.
