Taksıdegi qorqynysh: Jańa adamdar alymsaqtyqty bastan ótkergen jandarmen tildesti

Foto: qordan alyndy

О́tken jyldyń jeltoqsanynda jelide Astana – Qaraǵandy baǵytyndaǵy sapar kezinde sur Toyota Camry kóliginde alymsaqtyqqa ushyraǵan qyzdyń qaıǵyly oqıǵasy jarııalandy. Bul oqıǵa áleýmettik jeliler men BAQ betterinde tez tarap ketti. Qyzdar pikirlerde ony talqylap, uqsas oqıǵalarymen bólisip, bir-birin eskertý jasaǵan bolatyn, dep jazdy qandastar.kz

Kóp uzamaı belgili boldy: bul birinshi ret emes. Ondaǵan qyz uqsas jaǵdaıǵa tap bolǵan. Sol  Toyota Camry júrgizýshisi ózin jónsiz ustap, jolaýshy qyzdarǵa tıisken, tipti esikterdi qulyptap, kólikten shyǵýǵa múmkindik bermegen. Bul oqıǵa qoǵamda úlken rezonans týdyrǵannan keıin polıııa iske aralasty.

Bul rette Jańa adamdar óz tergeýin júrgizdi.

«Biz alymsaqtyqqa ushyraǵan qyzdarmen baılanystyq. Ýaqyt óte kele úsheýi suhbat berýge kelisti. Olardyń oqıǵalary bir-birimen tolyq sáıkes keledi. Sur Toyota Camry kóliginiń júrgizýshisi árdaıym birdeı áreket jasaǵan. Aldymen ol qyzdardy artqy oryndarǵa basqa jolaýshylar otyrady dep aldap, aldyńǵy orynǵa aýysýǵa kóndirgen. Keıin tıisip, qolyna ıe bolmaı, ózin ádepsiz ustaı bastaǵan. Jábirlenýshiler ony toqtatýǵa nemese kólikten shyǵýǵa tyrysqanda, ol esikterdi qulyptap, kólikte qalýǵa jáne qorqynysh pen úreıdi sezinýge májbúrlegen. Alymsaqtyq faktisi boıynsha polıııaǵa aryz túsirgen qyzdyń aıtýynsha, odan bólek taǵy 17 adam polıııaǵa júgingen», — dedi qor ókilderi.

Jańa adamdar bul taksıstiń aty-jónin anyqtaı aldy. Ol – 1988 jyly týǵan azamat. О́kinishke qaraı ol óz kinásin moıyndap, japa shekkenderden keshirim suraýdyń ornyna isti «jabýǵa» tyrysqan.

Jańa adamdar eskertedi:  Taksıdegi alymsaqtyq – úlken qylmys.