«Túnimen uıyqtatpaımyn»: Qazaqstandyq qyz poıyzda jolseriktiń tıispek bolǵanyn aıtty

Foto: Threads Hizoka

Qazaqstandyq qyz Qyzylorda-Petropavl 076HA poıyzynda jolseriktiń tıispek bolǵanyn aıtty, dep jazdy qandastar.kz. Bul týraly Stan.kz aqparat agenttigi habarlaıdy.

Qazaqstandyq bul jaǵdaıdy Threads áleýmettik jelisinde jarııalady.

«Jolǵa jalǵyz shyqtym. Jánibek esimdi jolserik ózin oǵash ustap, tıise bastady. Ishte kileń er adamdar otyrdy. Jolserik kelip, qolyn betime sozyp, janyma otyryp: “qatty uıyqtadyń ǵoı” dep aıtty. Sosyn «taza aýa jutaıyq» dep tambýrǵa shaqyrdy. Men qatty qoryqtym. Aınalamdaǵy adamdardyń eshbiri kómektespedi. Jaı ǵana qarap otyrdy», – deıdi qyz.

Sosyn jolaýshy qyz basqa jolserikten kómek surapty. Ol qyzdy ájeler otyrǵan vagonǵa aýystyrǵan.

«Biraq sol jolserik taǵy keldi. Maǵan qarap kúlip: jaqsy kele jatyrsyń ba? Seni izdep, tappaı júrsem, osynda ekensiń ǵoı. Seniń ornyńda ózbekter otyr» dep aıtty. Sosyn jaqyndap kelip, eńkeıip: «uıyqtap al, túnimen uıyqtatpaımyn» dedi. Keıin bir vagonnan ekinshisine ótip bara jatsam qolymnan ustamaq boldy. Áreń qutyldym. Basqa jolaýshylarǵa, qorqyp turmyn, kómektesińizdershi dep edim, eshkim úndemedi», – deıdi qyz.

Foto: Threads Hizoka

Osy jaǵdaıdan keıin jolaýshy qyz aǵa jolserikke shaǵymdanypty. Alaıda ol da eshqandaı shara qarastyrmaǵan.

«Sońynda Astanalyq dosyma jazdym. Tanystarymnyń aralasýy arqyly jolserik kelip menen keshirim surady. О́zin qalaı aqtap alǵanyn kórseńiz, tańǵalasyz. Ol “Jaı ǵana ázildedim ǵoı. Durys túsinbeı qalypsyń. Saǵan qaryndasyma qaraǵandaı qaraýǵa tyrystym» dep aıtty. Sonda bul kisi qaryndasyna osylaı qaraı ma? Bul kisiniń aty-jóni – Janǵaraev Jánibek. Onyń túrin basqa qyzdar muqııat bolsyn dep kórsetip otyrmyn. Biz poıyzda qaýipsizdigińe eshkim kepildik bermeıtin elde turamyz. Eń soraqysy, aınaladaǵy adamdar kómektesýge qorqady», – dep jazdy jolaýshy qyz.

Foto: Threads Hizoka

Osydan soń basqa da jeli qoldanýshylary óz basynan ótken jaǵdaıdy baıandady.

«Stýdent kezimde 1-kýrs, birinshi semestr bitirip, aýylǵa ketýge bılet ala almaı qalǵan edim. Amal joq Astanadan Shymkentke avtobýspen barýǵa týra keldi. Shanhaı bazardan bılet alyp, avtobýsqa mingen soń, ishi toly er adamdar ekenin kórdim. О́te qorqynyshty boldy. Biraq Astanada qalatyn jerim bolmaǵan soń otyrýǵa májbúr boldym. Sol sátte bir táte minip, janyma otyryp, jolda toqtaǵan kezde qasynan qaldyrmaı ertip júrdi».

«Balalarym Semeı-Qyzylorda poıyzynda kele jatqanda, jolserik kýpege bıleti joq mas jigitterdi otyrǵyzǵan. Balalar maǵan telefon soǵyp, jolserikpen sóılesýdi ótindi. Alaıda ol vagonǵa kimdi otyrǵyzatynymdy ózim sheshemin dedi. Men kólik mınıstrligindegi dosyma habarlasyp, polıııa qyzmetkerleri 5 mınýtta máseleni sheship berdi. Jolserikke ne bolǵanyn bilmeımin. Biraq onyń jumystan shyqqanyn qalaımyn».

«Stýdent kezimde vagonda er adam maǵan tıispek bolǵan. Jolserik kómektesýge tyryspady. Sodan beri poıyzda jalǵyz júrmeımin. Múmkindiginshe az sóılesýge jáne eshkimmen bostan-bos sóılespeýge tyrysamyn. Olar kez kelgen dostyq qarym-qatynasty flırt dep qabyldaýy múmkin».

Atalǵan jaǵdaıǵa qatysty Stan.kz tilshisi Kóliktegi polıııa departamentinen mán-jaıdy surap bildi.

Olar tergeý júrip jatqanyn habarlady.

«Mundaı jaǵdaıda Temirjol jáne sý kóligi komıteti ýákiletti organǵa zańdy shara qoldaný úshin resmı hat joldaıdy. Tıisti vedomstvo jolaýshylarǵa qatysty kez kelgen zańsyz áreketterge jol berýge bolmaıtynyn atap kórsetedi. Jolaýshynyń qaýipsizdigi men jaılylyǵy birinshi orynda. Jeke tasymaldaýshy atalǵan oqıǵaǵa qatysty qyzmettik tekseristi bastady. Tekserý nátıjesi boıynsha tıisti sharalar qabyldanady», – delingen habarlamada.

Sondaı-aq departament oqıǵa boıynsha materıaldar proessýaldyq sheshim qabyldaý úshin jelilik polıııa bólimine joldanatynyn málimdedi.

Al “Jolaýshylar tasymaly” AQ reısti jeke tasymaldaýshy oryndaǵanyn habarlady.

«Bul poıyz «ArlanTransAstana» jeke tasymaldaýshysyna tıesili. Onyń «Jolaýshylar tasymaly» AQ-ǵa, Qazaqstan temir jolyna qatysy joq. Jeke tasymaldaýshylardyń qyzmetin Kólik mınıstrligi retteıdi”, – delingen habarlamada.