جامبىل وبلىسىندا 5 بالدىق جەر سىلكىنىسى بولدى

فوتو:سكرين

28 ناۋرىزىندا تۇندە جامبىل وبلىسىنىڭ بىرقاتار اۋداندارى مەن تاراز قالاسىندا جەر سىلكىندى. وسىعان وراي وبلىس اكىمدىگىنىڭ ءباسپاسوز قىزمەتىنە قازىرگى جاعداي جايلى رەسمي مالىمدەمە تاراتتى, دەپ حابارلايدى qandastar.kz

جەر ءدۇمپۋىنىڭ جوعارى قارقىنى – 5 بالل – مەركى اۋدانىنداعى مەركى اۋىلىندا تىركەلدى. ت. رىسقۇلوۆ اۋدانىنىڭ قۇلان اۋىلىندا جەر سىلكىنىسىنىڭ كۇشى 4 باللدى, تاراز, شۋ قالالارىندا, قورداي, مويىنقۇم اۋداندارىندا – 2 بالل بولدى.

قازىرگى تاڭدا وبلىس باسشىسىنىڭ تاپسىرماسىنا سايكەس جەدەل شتاب جۇمىس ىستەپ جاتىر.

بارلىق تىرشىلىكتى قامتاماسىز ەتۋ جۇيەلەرى قالىپتى جۇمىس ىستەپ جاتىر. زارداپ شەككەندەر تۋرالى مالىمەت جوق. الدىن الا مالىمەت بويىنشا ت.رىسقۇلوۆ اۋدانى قاراقىستاق اۋىلىنداعى مادەنيەت ءۇيى, مەركى اۋداندىق اۋرۋحاناسى, ويتال اۋىلىنداعى مەكتەپ عيماراتىنىڭ قابىرعاسىندا جارىقتىڭ پايدا بولعانى انىقتالدى. باسقا نىساندار تۋرالى اقپارات ناقتىلانىپ جاتىر, — دەلىنگەن اكىمدىكتىڭ رەسمي اقپاراتىندا.

ايماق باسشىسى ەربول قاراشوكەەۆ جاعدايمەن تانىسۋ ءۇشىن ت.رىسقۇلوۆ جانە مەركى اۋداندارىنا باردى.

8(7262)513575 نومىرى بويىنشا «جەدەل جەلى» ىسكە قوسىلدى.
تولىق اقپارات قوسىمشا حابارلانادى.