Jambyl oblysynda 5 baldyq jer silkinisi boldy

Foto:skrın

28 naýryzynda túnde Jambyl oblysynyń birqatar aýdandary men Taraz qalasynda jer silkindi. Osyǵan oraı oblys ákimdiginiń baspasóz qyzmetine qazirgi jaǵdaı jaıly resmı málimdeme taratty, dep habarlaıdy qandastar.kz

Jer dúmpýiniń joǵary qarqyny – 5 ball – Merki aýdanyndaǵy Merki aýylynda tirkeldi. T. Rysqulov aýdanynyń Qulan aýylynda jer silkinisiniń kúshi 4 balldy, Taraz, Shý qalalarynda, Qordaı, Moıynqum aýdandarynda – 2 ball boldy.

Qazirgi tańda oblys basshysynyń tapsyrmasyna sáıkes jedel shtab jumys istep jatyr.

Barlyq tirshilikti qamtamasyz etý júıeleri qalypty jumys istep jatyr. Zardap shekkender týraly málimet joq. Aldyn ala málimet boıynsha T.Rysqulov aýdany Qaraqystaq aýylyndaǵy mádenıet úıi, Merki aýdandyq aýrýhanasy, Oıtal aýylyndaǵy mektep ǵımaratynyń qabyrǵasynda jaryqtyń paıda bolǵany anyqtaldy. Basqa nysandar týraly aqparat naqtylanyp jatyr, — delingen ákimdiktiń resmı aqparatynda.

Aımaq basshysy Erbol Qarashókeev jaǵdaımen tanysý úshin T.Rysqulov jáne Merki aýdandaryna bardy.

8(7262)513575 nómiri boıynsha «jedel jeli» iske qosyldy.
Tolyq aqparat qosymsha habarlanady.