كازگيۋ ستۋدەنتتەرى Philip C. Jessup International Law Moot Court Competition 2022 ۇلتتىق راۋند جەڭىمپاز بولىپ تانىلدى.

اقش, كانادا, ۇلىبريتانيا, رەسەي, ۋكراينا جانە وزبەكستان تورەشىلەرىنىڭ شەشىمى بويىنشا كازگيۋ كومانداسى ويىنداردىڭ جەڭىمپازى اتاندى, ال كازگيۋ ستۋدەنتى ماگاي ميسون ۇزدىك سپيكەر دەپ تانىلدى.

م.س. نارىكباەۆ اتىنداعى كازگيۋستۋدەنتتىك كومانداسى Philip C. Jessup International Law Moot Court Competition 2022 ۇلتتىق راۋندتارىندا جەڭىسكە جەتىپ, قازاقستاندى حالىقارالىق راۋندتاردا تانىستىرۋ قۇقىعىنا يە بولدى.

بيىلعى جىلى Philip C. Jessup International Law Students Association ءتۋرنيرىنىڭ (ۆاشينگتون, اقش) اكىمشىسى تاشكەنت قالاسىندا (وزبەكستان) ورتالىق ازيا ەلدەرىنىڭ ۇلتتىق راۋندتارىن ۇيىمداستىردى. قازاقستاندا ءداستۇرلى تۇردە حالىقارالىق راۋندتارعا قاتىسۋ قۇقىعى ءۇشىن حالىقارالىق زاڭگەرلەردى دايارلاۋ سالاسىندا كوشباسشى بولىپ تابىلاتىن M.س. نارىكباەۆ اتىنداعى قازاق گۋمانيتارلىق زاڭ ۋنيۆەرسيتەتى مەن كيمەپ ۋنيۆەرسيتەتىنىڭ كوماندالارى كۇرەسەدى. ەندى قازاقستاندىق كوماندا ءتۋرنيردىڭ حالىقارالىق راۋندتارىندا ونەر كورسەتەتىن بولادى.

ەسكە سالساق, M.س. نارىكباەۆ اتىنداعى قازاق گۋمانيتارلىق زاڭ ۋنيۆەرسيتەتى 20 جىلدان استام ۋاقىت بويى تابىستى ونەر كورسەتىپ, ەكى رەت الەمنىڭ ۇزدىك 50 كومانداسىنىڭ قاتارىنا ەندى. بۇگىنگى ستۋدەنتتىك كوماندا قۇرامىندا ابدراحمانوۆا ەلميرا امانگەلدىقىزى, باحىت ارۋجان ايدارقىزى, قامبەكوۆ زاڭعار باقىتبەك ۇلى, ماگاي ميسون نيكولاەۆنا, فازىلجان ءادىل ءالىم ۇلى.

باپكەرلەر: Senior Lecturer كوكجالوۆ رامازان اباي ۇلى, Senior Lecturer بەركالي مادينا ماراتقىزى.