448 mln teńgeniń janarmaıy urlanǵan: Ulttyq ulan sarbazdarynyń birine qatysty úkim ózgerdi

Buryn sot úkimimen D., Ý., S., E. asa iri mólsherde bótenniń múlkin jymqyrǵany úshin kináli dep tanylyp (Qylmystyq kodekstiń 189-baby 4-bóliginiń 2-tarmaǵy) olarǵa 9 jyldan 10 jylǵa deıin bas bostandyǵynan aıyrý túrindegi jaza taǵaıyndalǵan. Sottalǵan A. qyzmetine salǵyrt qaraý saldarynan aýyr zardaptarǵa ákelgeni úshin kináli dep tanylyp (Qylmystyq kodekstiń 453-babynyń 2-bóligi), oǵan 2 jyl 6 aı merzimge bas bostandyǵynan aıyrý túrindegi jaza taǵaıyndalǵan. Sottalǵandardan ortaq tártipte keltirilgen materıaldyq zalal óndirildi.

2019-2022 jyldar aralyǵynda áskerı qyzmetshi D., Ý., S. jáne E. óz qyzmettik jaǵdaıyn paıdalana otyryp, materıaldyq jaǵdaıyn jaqsartý maqsatynda adamdar tobynyń aldyn ala sóz baılasýymen birneshe ret áskerı bólimniń janar-jaǵarmaı materıaldaryn jymqyrý arqyly 448 mln teńgeden astam somaǵa zalal keltirgen. Urlanǵan otyndy jeke tulǵalarǵa ótkizgen. О́z kezeginde sottalýshy A. qyzmetine salǵyrt qaraý saldarynan aýyr zardaptarǵa alyp keldi, ıaǵnı áskerı bólimniń búkil JJM qyzmetiniń jumysyna baqylaýdyń bolmaýyna baılanysty memleketke materıaldyq zalal keltirdi.

Kórsetilgen mán-jaılar sottalýshylardyń óz aıǵaqtarymen, jábirlenýshi tarap ókilderi men kýágerlerdiń jaýaptarymen, is boıynsha júrgizgen aýdıtorlyq tekserýmen, sot saraptamalarymen, telefonmen sóılesý stenogrammalarymen, aqsha qarajatyn aýdarý jáne qylmystyq istiń basqa materıaldarymen anyqtaldy. Áskerı sotynyń qylmystyq ister jónindegi sot alqasynyń 2024 jylǵy 14 mamyrdaǵy qaýlysymen Aqmola garnızony áskerı sotynyń 2024 jylǵy 13 aqpandaǵy úkimi sottalǵan S.-ǵa qatysty jaza merziminde qamaýda ustaý ýaqytyn esepke jatqyzý bóliginde ózgertildi. Qalǵan bóliginde úkim ózgerissiz qaldy.

Sonymen qatar apellıaııalyq satymen isti apellıaııalyq qaraý barysynda sottalǵandardyń Ulttyq ulany Bas qolbasshylyǵy, 5573 jáne 3656 áskerı bólim qolbasshylyǵy laýazymdy adamdarynyń, sondaı-aq IIM ÁTB qyzmetkerleriniń janar-jaǵarmaı materıaldaryn jymqyrýǵa qatysy bar ekendigi týraly habarlaǵan faktileri týraly Bas áskerı prokýrorynyń nazaryna tıisti proestik sharalar qabyldaý úshin jeke qaýly shyǵaryldy.