ءبىلىم
«5 مينۋت وتىرىپ, شىعىپ كەتكەن»: ۇلتتىق تەستىلەۋ ورتالىعى ۇبت-دان 1 بالل العان وقۋشىعا قاتىستى مالىمدەمە جاسادى
فوتو: stan.kz
ۇلتتىق تەستىلەۋ ورتالىعى ۇبت-دان ءبىر عانا بالل العان وقۋشىعا قاتىستى مالىمدەمە جاسادى. بۇل تۋرالى Stan.kz اقپارات اگەنتتىگى حابارلايدى.
ۇلتتىق تەستىلەۋ ورتالىعى ديرەكتورىنىڭ ورىنباسارى ناۋجان ديداربەكوۆا ۇبت-دا مۇنداي ناتيجەنىڭ تىركەلگەنىن راستادى.
ء«بىز بۇل بالانىڭ ول ناتيجەگە دەيىن دە ۇبت تاپسىرىپ, 90 بالدان جوعارى ناتيجە كورسەتكەنىن حابارلاعان ەدىك. ءبىر ۇپاي جيناعان ۇبت-دا وقۋشى نەبارى بەس مينۋت وتىرىپ, شىعىپ كەتكەن. سايكەسىنشە وسىنداي ناتيجە بولدى. بۇل تۋرالى وقۋشى ءوزىنىڭ الەۋمەتتىك جەلىدەگى پاراقشالارىندا جازدى», – دەدى ورتالىق وكىلى.
بۇل رەتتە ورتالىق وكىلى بۇل ناتيجەنىڭ قازاقستان بويىنشا جالعىز جاعداي ەكەنىن اتاپ ءوتتى
ء«بىر ۇپاي جيناعان ءبىر عانا تۇلەك بار, ودان باسقا مۇنداي تومەن ناتيجە جوق», – دەدى ناۋجان ديداربەكوۆا.
ەسكە سالساق, بۇعان دەيىن جەلىدە ۇبت-دان 1 بالل جيناعان قازاقستاندىق تۇلەكتىڭ ۆيدەوسى تاراعانى تۋرالى جازعان ەدىك.
