«5 mınýt otyryp, shyǵyp ketken»: Ulttyq testileý ortalyǵy UBT-dan 1 ball alǵan oqýshyǵa qatysty málimdeme jasady

Foto: stan.kz

Ulttyq testileý ortalyǵy UBT-dan bir ǵana ball alǵan oqýshyǵa qatysty málimdeme jasady. Bul týraly Stan.kz aqparat agenttigi habarlaıdy.

Ulttyq testileý ortalyǵy dırektorynyń orynbasary Naýjan Dıdarbekova UBT-da mundaı nátıjeniń tirkelgenin rastady.
«Biz bul balanyń ol nátıjege deıin de UBT tapsyryp, 90 baldan joǵary nátıje kórsetkenin habarlaǵan edik. Bir upaı jınaǵan UBT-da oqýshy nebári bes mınýt otyryp, shyǵyp ketken. Sáıkesinshe osyndaı nátıje boldy. Bul týraly oqýshy óziniń áleýmettik jelidegi paraqshalarynda jazdy», – dedi ortalyq ókili.

Bul rette ortalyq ókili bul nátıjeniń Qazaqstan boıynsha jalǵyz jaǵdaı ekenin atap ótti
«Bir upaı jınaǵan bir ǵana túlek bar, odan basqa mundaı tómen nátıje joq», – dedi Naýjan Dıdarbekova.

Eske salsaq, buǵan deıin jelide UBT-dan 1 ball jınaǵan qazaqstandyq túlektiń vıdeosy taraǵany týraly jazǵan edik.