جاڭالىقتار
7 تىلدە تارالاتىن «مادەنيەت» ونلاين پورتالى ىسكە قوسىلادى — ايدا بالاەۆا
مادەنيەت جانە اقپارات ءمينيسترى ايدا بالاەۆا ۆەدومستۆونىڭ القا وتىرىسىندا بالالار كونتەنتىن دامىتۋعا, مۇمكىندىگى شەكتەۋلى جانداردىڭ اقپاراتقا قول جەتكىزۋىن قامتاماسىز ەتۋگە ەرەكشە نازار اۋدارىلاتىنىن ايتتى.
سونداي-اق مينيستر مادەنيەتتىڭ بارلىق سالاسى بويىنشا كەشەندى جۇمىستار اتقارىلىپ جاتقانىن جەتكىزدى.
«ءبىز العاش رەت 7 تىلدە تارالاتىن «مادەنيەت» ونلاين پورتالىن ىسكە قوساتىن بولامىز. جاڭا پورتال ارقىلى مادەني قۇندىلىقتارىمىزدى قازاقستاندىق قانا ەمەس, شەت ەل اۋديتورياسىنا ناسيحات ەتۋدى ماقسات ەتىپ وتىرمىز. مۇنداي جوبالار الەمدىك تاجىريبەدە ءوز تيىمدىلىگىن باياعىدا-اق كورسەتكەن. ۇلتتىق مۋزەي جانىنان ۇلتىمىزدىڭ سان عاسىرلىق تاريحىنان سىر شەرتەتىن قۇندىلىقتارىمىزدىڭ ومىرشەڭدىگىن ساقتاپ قالۋعا جاعداي جاسايتىن اۋقىمدى رەستاۆراتسيا ورتالىعى قۇرىلادى» – دەيدى مينيستر.
